ريهام سعيد تهاجم أحد المواقع الإخبارية

نشرت "ريهام سعيد" صورة لها في المستشفي، على حسابها الشخصي معلقة عليها قائلة : " بقالي اسبوعين بعاني من كورونا والحمد لله الرئة اتاثرت وتم إحتجازي في المستشفى من شويه، احساس غريب وانت عندك حاجه مميته، بتراجع نفسك كتير وتحاسب نفسك كتير".

و شنت ريهام سعيد، هجوما حاداً على أحد المواقع الالكترونية بعد نشره تقريراً يفيد بإيقافها عن العمل، بعدما نشرت خبر عن مرضها.

وقالت ريهام: «لما الواحد يبقي ممنوع من الكلام معندوش غير الموبايل يبص فيه يسمع أخبار لأنه معزول عن أولاده وأهله وأصحابه ومعزول عن الدنيا مستني مصيره فلما أسمع تقرير قذر كله كذب عن وقف وافترا وقصص مغلوطه فين الضمير؟».

وأضافت «الكلمة الطيبة صدقة يا عدماء الضمير والدم والإحساس.. والله ما مصدقة.. انتوا معمولين من ايه».

وتابعت " ريهام سعيد" قائلة :" اكيد غلطت لكن عمري ما قصدت كان دائما الغرض نفع الغير واظهار الحقيقه، شكرا يا رب علي حبك ليه و شكرا علي ابتلاءاتك الكتير الي بتدل علي اهتمامك بيه، اذا كانت دي النهايه يا رب احسن خاتمتي و احسب لي كل عمل عملته لوجهك الكريم يا رب انت الوحيد الي عارف انا عملت ايه وكانت نيتي دائما ايه".