ريهام سعيد تثير الجدل برسالة لـ هاني شاكر.. والسبب

أثارت الاعلامية ريهام سعيد،حالة من الجدل واسع النطاق، عقب توجيه رسالة لـ المطرب هاني شاكر ونقيب المهن الموسيقية، بشأن قرار ضد مطربي الاغاني الشعبية ، وذلك من خلال صفحتها الشخصية عبر موقع التواصل الاجتماعي "انستجرام".

وكتبت ريهام، قائلة: "أمير الغناء العربي أوعي تزعل انت أكبر من كده بكتير واوعي تعاتب جاهل، مش فاهمين ان لو الاعلام و الغنا والتمثيل اتساب من غير رقابه ده هايبوظ الذوق العام ".

وتابعت: "اتمنع ليه فيلم انجلينا جولي ، اتمنع عشان اولادنا و مستقبلهم عشان قيمنا و دينا، علي فكره كنت اول واحده بدافع عنهم في بداياتهم موزه وشاكوش وغيرهم بس الي حصل بعد كده كان مخجل حتي في ناس من الي متسابين يغنوا بقوا بيقدموا اسفاف ووجود الراقصه الي مالهاش دعوه بالفن خالص بلبسها العجيب بقي حاجه ثابته في الكليبات.

واستكملت: "استاذ هاني شاكر شكرا انك بتحافظ علي الفن المصري الي كان فيه ام كلثوم وعبد الحليم حافظ كان في شكوكو بس كان مونولوجست مابيقولش علي نفسه مطرب ولا بيقول كلام خارج . لو مؤمنين ان في حريه مطلقه يبقي وافقوا علي انتشار المخدرات و الافلام الاباحيه و غيرها و قولوا كل واحد حر يختار الطريق الي يناسبه".

A post shared by Reham Saeed (@rehamsaidofficial)