محمد صلاح يتحدث عن المدربين في مصر.. شاهد ماذا قال؟

قال محمد صلاح، إنه دائما يعمل على تجنب الغلط، مضيفًا: "حياتى كلها مبنية للكورة، فدائما قراراتى كانت عشان أوصل للكورة بس ومعملش حاجة غلط خالص عشان أوصل أكون لاعب كورة كويس، ده أكل عيشى، وأهلى كانوا بصرفوا عليا عشانه".

وأضاف "صلاح"، خلال لقائه مع الفنانة إسعاد يونس، ببرنامج "صاحبة السعادة" عبر فضائية "dmc" والتلفزيون المصرى، مساء الجمعة: "هناك مواهب أحسن منى ولكن سبحان الله أنا كملت وهما فضلوا، هناك أصدقاء ليا اتخانقوا مع مدربين، اللى مش قادر أفهمه اللاعب وهو صغير شايف نفسه أجمد من المدرب إزاى؟ ده اللى مش قادر أفهمه، نفسى المدرب واللاعب فى مصر يكون بينهم علاقة ويتكلموا مع بعض، النقطة دى خدت منى وقت طويل عشان أتغير مع المدرب".

وأوضح أن هناك خوف من المدربين فى مصر، متابعا: "لازم المدرب واللاعبين يتكلموا زى المخرج والممثلين".