«أي صورة فيها سعادة وراها أوقات تعاسة».. بسمة وهبة تثير الجدل من داخل غرفة العمليات (فيديو)

نشرت الفنانة بسمة وهبة، فيديو داخل غرفة العمليات أثناء استعدادها لإجراء عملية جراحية، و أثار حالة من الجدل على مواقع التواصل الاجتماعي المختلفة، بسبب تعليقها أن وراء الصور السعيدة أوقات أخرى مليئة بالحزن والألم.

تعليق بسمة وهبة على الفيديو

علقت بسمة على الفيديو: «واحدة معرفة اتصلت بيا فمردتش عليها راحت بعتالي رسالة بتعاتبني فقلت لها معلش مش قادرة أتكلم لما أقدر حكلمك، راحت ردت عليه قالت لي آه مانتي مشغولة صحيح كل يوم في بلد وبتتفسحي، فعاوزه أقولها هي واللي زيها، إن أي صورة على السوشيال ميديا حلوة، وراها أوقات وحشة وأي صورة فيها سعادة، وراها أوقات تعاسة وألم، صحيح ممكن أكون مسافرة بس بعمل عملية، ممكن أكون مسافرة وفي عملية وفي البنج وحزينة».

وتابعت:« لأن صاحبتي ماتت قبلها بيومين حتى وأنا في البنج وتعبانة حزينة عليها وبدعيلها، وممكن أكون مسافرة أتعالج مش أتفسح، بس بما إني مسافرة لو ماعندكيش مانع أخرج قبل العملية وأتمشى في الشارع بعد العملية لو مايضايقكيش يعني، أحب أقولك إنت واللي زيك ربنا ما يحكم عليكي يا بنتي باللي في الواحد، واحمدي ربنا إنك مش مضطرة تسافري عشان تلاقي حل لمرض نادر من فضلكم، ارحمونا وسيبونا في حالنا وبلاش حسد، أنا صاحبتي وفاء ماتت من الحسد».