رولا خرسا تهاجم أسرة شيرين عبد الوهاب: اللي ربك ستره تفضحوه ليه؟

هاجمت الإعلامية رولا خرسا أسرة الفنانة شيرين عبد الوهاب وذلك بعد أزمتها الأخيرة والتي أثيرت أمس في جميع وسائل الإعلام.

وقالت الإعلامية رولا خرسا علي حسابها الشخصي علي موقع الصور والفيديوهات أنستجرام قائلة: اللي بيحصل لشيرين عبد الوهاب إبتلاء كبير أوي لأصعب حاجة في الدنيا أما أهلك يطلعوا يفحصوا أسرارك علي الهواء حتي لو كان عشان حمايتك إلي ربك ستره تفضحوه ليه؟.

وأضافت: كان ممكن يستنجدوا بأي حد كتيمي من غير مايطلعوا في التليفزيونات يتكلموا, قلبي وجعني علي بناتها إلي عايشين في الجو ده واللي مهما كانوا شايفين الا اما الناس كلها تعرف حيتعرضوا في المدرسة ومن اللي حواليهم لكلام قاسي وتنمر.

وتابعت: وشيرين نفسها حتي لو مدمنه فحقها عليهم أنهم ياخدوها في حضنهم ويساعدوها مش بينشروا أخبارها حتي لو شايفين أن دا لمصلحتها, ربنا معاكي ياشيرين حتى لو الدنيا كلها سابتك, مفيش أنسان في الدنيا يستاهل أنه مايلاقيش حد جنبه, تاني بقول: مهما عمل.

واستكملت: أدعوا لها ياجماعه أن ربنا يشفيها ويفك كربها دا شيرين محتاجة لدعم نفسي قوى جدا وتالت ورابع بقول: مهما عملت, وبلاش كل حد يطلع القاضي والجلاد اللي جواه طلعوا بدالهم الانسانية والرحمه والله كلنا علي الأرض غلابة وعايشين بتسر ربنا.