نقابة المهن الموسيقية توقف حمو بيكا بعد تداول فيديو يتضمن إساءات لمؤسسات الدولة
"عبد الحليم حافظ كان بيغير مني".. أبرز تصريحات حسين فهمي في "حبر سبري"
حل الفنان الكبير حسين فهمي، ضيفًا في برنامج "حبر سري" الذي تقدمه الإعلامية أسما إبراهيم، على قناة القاهرة والناس.
ويٌقدم لك "بلدنا اليوم" في هذا التقرير أبرز تصريحات حسين فهمي، في برنامج "حبر سري".
- عبد الحليم حافظ، كان بيغير مني، واللي قاللي كده وحيد فريد مدير التصوير.
- أنغام لذيذة جدا وبحبها وهي إنسانة راقية وفنانة جميلة.. بس موضوع زواجي منها ده شائعة ومش حقيقي.
- من الشائعات اللى طلعت عليا إني حاربت محمود عبد العزيز، ومفيش فنان بيحارب حد والجمهور اللي بيقرر مين يتواجد ومين يختفي، والموهبة محدش يقدر يحاربها لأنها بتفوق الكل.
- محمود عبد العزيز كان صديقي، وبنكلم بعض على الأدوار، واشتغلنا مع بعض وكنا حبايب.
- التريند اللي خرج على ميرفت أمين، كان سخيف وهو ده تأثير السوشيال ميديا.
- أفلامنا بتترفض لأن معظمها تجارية والتجارة في الأفلام تطغى على الفنية، والفيلم اللي بيتقدم للأوسكار لازم يبقى فيه قيمة فنية عالية جدًا.
- أنا وعادل إمام أصحاب جدا وكنا مستمتعين بأعمالنا واحنا اصدقاء عائليا وبروح له بيته وزوجته وأولاده أصدقائي.
- أحمد فهمي، صديق عزيز جدا عليا، وبنتشارك في مسلسل "سر السلطان" من إخراج خالد يوسف، وحتى شريف رمزي، كان متزوج من منة وصديق عزيز، عمرنا ما كان عندنا الفكرة دي إذا كان في اتنين متفقوش في حياتهم ننفصل بكل احترام وتقدير.
- منة مزعلتش مني لأني بشتغل مع أحمد، هي بتكلمه واتقابلوا كذا مرة وسلموا على بعض وتعرف زوجته الجديدة هنا الزاهد وصديقة ليها، وحتى شريف رمزي، أحنا في أسرتنا أتربينا برقي وتحضر.
- الرجل اسمه مزواج، إنما تقولي واحدة ست مزواجة؟ مش راكبة يعني، جربت حظها مرة وإتنين وتلاتة وستة وسبعة، ده حظ إيه ده اللي منفعش؟ المجتمع الشرقي بيقبل حاجة ومايقبلش حاجة، بس طبعا من حقها تتجوز زي ما هي عايزة، طالما في طلاق يبقى في زواج.
- المجتمع مابيقبلهاش بسهولة، لما الرجل يبقى متزوج ويطلق، غير لما الست تتطلق، بيقولوا مطلقة، مطلقة ليه عملت إيه؟ كأن العيب فيها ومنها، مابتبقاش مقبولة في المجتمع الشرقي.
- الشخص البخيل تنطبق عليه الكثير من الأفعال والمواقف والصفات، البعيدة ما البعد عنه، في بداياتي عرضت علي إحدى الصحف، دفع مبلغ مالي، حتى يقوموا بكتابة مقالات وأخبار، يمدحوا فيها بموهبتي وقدراتي الفنية الكبيرة وغيرها،ولما رفضت اتفاجئت بنشر مقالاً صحفياً بعنوان " حسين فهمي بخيلاً".
- نشر ذلك المقال، و تداول وصفي بالبخيل دون تأكد أحد من ذلك الأمر، وهو الأمر الذي يحدث في الوقت الحالي بالسوشيال ميديا، حيث يمكن لأي أخد كتابة أي إشاعة على أحد، والكثير يقوموا بتصديقها دون التحقق منها.
اقرأ ايضا