نجم الأهلي السابق يفجر مفاجأة.. جوميز الأقرب لخلافة كولر
ميدو :أبارك لنادي الزمالك وإدارتة وجمهورة الفوز
قال ميدو :ببارك للزمالك وادارته ولاعبينه وجمهوره على الفوز .. الماتش في ظروف صعبة واشتغلنا ٤٨ ساعة بس واشتغلنا على الظروف النفسية وموقف الفريق .. بعض الاخطاء كلفتنا الهدف الاول ورغم استقبالنا الهدف الثالث قبل نهاية الشوط الاول بس قدرنا نعمل شوط تاني كويس وكنا الافضل وخلقنا فرص تهديف كتير وكان ناقص بس اللمسة الاخيرة .. لاعيبة الاسماعيلي رجالة وشغالين في ظروف صعبة ومتفاءل خير باللي جاي
عندنا مشكلة في الاسماعيلي ان المستوى البدني متفاوت بينهم عندنا لاعيبة راجعة من الإصابة لما العب قدام الزمالك متصدر الدوري وميقدرش يخلق فرص تهديفية خطر فده حاجة كويسة
حمدي النقاز لاعب كبير ودولي وكان افضل الخيارات الفنية بالنسبة لينا ولكن الاخطاء جزء من اللعبة وبتغير كتير من النتائج
لولا ثقتي في اللاعيبة ورجولتهم مكنتش قبلت المسئولية ولو اي حد منكم بيعاني من الظروف اللي بيعاني منها اي لاعب في الاسماعيلي مش هيدخل اسماعيلية دول مش بياخدوا فلوس من اكتر من ٧ شهور
إعادة هوية الاسماعيلي هدفنا ولكن هدفنا الحالي هو حل مشاكل الاسماعيلي