الرئيس السيسي يطمأن الشعب: محدش يقدر.. اشتغلوا وخلينا نبني ونعمر

قال الرئيس السيسي، خلال افتتاح الملتقى والمعرض الدولي للصناعة: "بفضل الله سبحانه وتعالي زى ما ربنا حفظ البلد في 2011 و 2013 هيحفظها دائما .. لأن سياستنا دائما مفيهاش غدر ولا خسة ولا تأمر ولا انتهازية ولا حتي مصالح .. كل مصلحتنا أن المنطقة كلها تبقا مستقرة ونبني ونعمر في بلدنا ده اللى إحنا اشتغلنا عليه.. ما فتكرش في سنن الوجود أنه يبقا فيه قيم زي كده وأصحابها يتم ايذائهم والقضاء عليهم وتدميرهم.. بفضل الله وشبابها وشعبها وجيشها ووعيهم قادرة على حماية بلدها تماما".

وأضاف الرئيس السيسي: "ما تقلقوش شوفوا شغلكم وحالكم .. وعيشوا حياتكم .. وبنبذل جهد كبير للتهدئة والاقتتال وبنبذل جهد كبير علشان المساعدات الإنسانية تدخل.. وبسجل كل الشكر والتقدير للدول التى أرسلت مساعدات.. ومهم قوي نبذل جهد ونضغط علشان كل المساعدات تدخل مساعدات بحجم يتناسب مع حجم الطلب والاحتياجات .. بنتكلم في 2.3 مليون وحصار قبل كده وبرضه واشتد جدا في المياه والكهرباء والمواد الطبية.. الاحتياج ضخم جدا وبالتالي ومفتكرش نقدر نحدد ده في 20 او 100 شاحنة ..لا.. أى عدد من الشاحنات اللى ممكن يدخل القطاع امر في منتهي الأهمية .. بنبذل جهد وحريصين على أن يكون لدينا دور إيجابي في تخفيف حدة الأزمة من خلال إطلاق سراح الأسرى والرهائن بس مش كل حاجة بيتم الحديث عنها لما بتخلص هنعلن عنها".

واختتم الرئيس السيسي كلمته قائلا: بطمنكم بفضل الله سبحانه وتعالي وبالله محدش يقدر اشتغلوا وخلينا نشتغل ونبني ونعمر ..شكرا جزيلا".