كان من أشهر صناع الكوميديا في مصر، كان يلقب بـ"ناظر الكوميديا"، رحل عنا سريعًا، كوميديان ثمين ونجم سمين، فشل فى الألتحاق بأكاديمية الفنون فتخرج بإمتياز من أكاديمية الدمرداش، وقف خلف الكاميرا أربع سنوات ثم واجهها بزهرة المجهول، مع أول جملة قالها على المسرح اكتشف إنه مطلوب للتجنيد في جيش الكوميديا ودفع المهر "حمري جمري"، وأفلت من "الكعب العالي" ليصنع "الابندا" بطريقة خاصة في دنيا الكوميديا، حاول القفز من فوق المجمع بسبب "الكباب"، و"نام في العسل"، وبعث رسالة الى الوالى وانتظر الرد في "فيلم هندي"، ولكنه رفض أن يكون منسيًا حتى بعد وفاته المنيه إنه الراحل الفنان علاء ولي الدين.
تحل اليوم 28 سبتمبر ذكرى ميلاد الراحل علاء ولي الدين، وللاحتفال بهذه المناسبة بشكل جميل كروحه، ولطيف كخفه دمه وشخصيته الحنونة نستعرض أشهر إفهاته الخالدة على مدار أعماله.
تتحرق فوفا أكتر ما هى محروقة
هو كله ضرب ضرب، مفيش شتيمة
عسل..عسل
انا عاوز ابقى صايع..صيعني يا عاطف
اقفل يا واد..مش هقدر أشوف فيليب وهو بيتقتل
كتك وكسة توكسك
أنا واكله كرنب وممكن أبهدلك جمبي
دخل الإسكندر الأكبر مصروتم بناء مدينة الأسكندرية، وتم تشطيبها لوكس على المفتاح، المطلوب أن تذكر أسم مقاول السراميك ولون السيراميك المستخدم في البناء.
جايبلي ورد وانا مفطرتش من الصبح
في الشدة شديد وفي القوة قوي
والنبي لأضربها على بوقها الوليه دي
ايه اللي بيحصل ده..ايه اللي أنا شايفه ده
أعمل نفسك ميت..أعمل نفسك ميت
يا عيني على الحلو لما تبهدله الأيام
احنا جايين نهدي النفوس
موضوعات متعلقة..
نبيل الحلفاوي عن الزعيم عبد الناصر: ”سيظل رمز النضال”
شاهد.. منى ممدوح تمارس ”التنمر” على دينا الشربيني تحت شعار ”حبيبتي”
تابعوا أخبار بلدنا اليوم على Google News
