رئيس مجلس الإدارة
حمدان سعفان
رئيس التحرير
وليد الغمري

عشان متتفاجئش أول يوم جامعة.. 9 نصائح كوميدية هتشوفها بعينك

"نصيحة لسنة أولى جامعة".. هاشتاج أطلقته مجموعة من الشباب على موقع التواصل الاجتماعى "تويتر" مع بداية الماراثون الدراسى الجديد، لإعطاء الطلاب الجدد مجموعة من النصائح الكوميدية التى تساعدهم على استقبال عامهم الدراسى الجديد بدون مفاجئات مزعجة. واختار الشباب على الهاشتاج الطريقة الكوميدية حتى يستقبل الطلاب الجدد نصائحهم، واعتمدت الصور فيها على لقطات من الأفلام العربية التى نراها صورة طبق الأصل فى الجامعة، مثل فيلم "وش إجرام" لمحمد هنيدى ولبلبة. من فيلم "صعيدى فى الجامعة الأمريكية" ومظهر البدلة الصفراء فى أول يوم جامعة. من "أذكياء ولكن أغبياء" للفنان الكبير عادل إمام وسمير غانم وشكل الفتاة بالملابس والمكياج "الأوفر" فى الجامعة. من فيلم "الديلر" ومشهد لخالد النبوى وتشبيهه بطلاب الجامعة القدامى ومظهرهم المتألق لجذب الفتيات الجدد فى الجامعة إليهم. لقطة الابتسامة للممثل الشاب "أحمد فتحى" فى مسلسل "أستاذ ورئيس قسم"، وهو حال الطلاب الجدد فى أول يوم جامعة لشعورهم بالسعادة. ومن مسلسل "لن أعيش فى جلباب أبى" لنور الشريف ونشوة النصر التى تبدو على وجه كل طالب مع دخوله من باب الجامعة. من فيلم "الناظر" للفنان "علاء ولى الدين" فى لقطة مع الفنان "حسن حسنى" يعبر فيها عن شعور الطالب الجديد من كثرة التريقة عليه. وهو رسم كاريكاتيرى عن الفتيات اللاتى يرتدين الحجاب وملابسهن غير مناسبة لهن وفى نفس الوقت يتحدثن عمن لا ترتدى الحجاب. وعلى الطلاب الجدد أن تنسى كل أحداث فيلم "الباشا تلميذ" لأنه لن يحدث فى الحقيقة. ومن بين النصائح التى كتبها الشباب للطلاب الجدد كانت "دنيا بكر" والتى قسمت نصائحها جانب للفتيات وآخر للأولاد، وقالت: بالنسبة للبنت لما بتخلصوا ثانوى بتنزلوا تشتروا لبس كتير أوى للجامعة وحياة والدك يا شيخة أنسب حاجة للجامعة تيشرتش وجينز وكوتشى، ما تحوليش تحطى مكياج كامل عشان هتيجى عليكى ظروف وهتشيليه فى مرة من المرات ووقتها عبد الحميد على بيظهر خلكيى طبيعية، هتتصحبى على بنت أول اتنين فى الأول وهتحبوا بعض أوى وفى الآخر هتكتشفى إن مش دى المناسبة ليكى وهتتخنقوا، بلاش كعب وحياة أغلى حاجة عندك. وأضافت: أما بالنسبة للأولاد انسى خالص إنك ترتبط ببنت من دفعتك لأن وقتها البنات بيكونوا حسوا إنهم كبروا وإنك أخوهم الصغير بيكونوا باصين على الناس الأكبر منهم أنت فرصتك فى الدفعة الجاية، متفتكرش إنك هتدخل الجامعة هتبقى الخديو إسماعيل فى سرايا عابدين وواحدة واحدة هتيجى عليك وتنقى البنت اللى تعجبك.

بلدنا اليوم
× الرئيسية آخر الأخبار تغطيات ومتابعات الرياضة المقالات الفن الحوادث خدمات خارجي الاقتصاد المحافظات لايف استايل منوعات