رئيس مجلس الإدارة
حمدان سعفان
رئيس التحرير
وليد الغمري

الأكلات المصرية.. وأصولها

لكل أكلة حكاية وبداية حتى وصلت الي بيتك تعالوا نشوف حكاية بعض الأكلات أصلها وبداينها وحكايتها. ورق العنب:ورق العنب هي أكلة تركيه كان أسمها «بيرق» وعرفها المصريين والشوام في عصر الدولة العثمانية وكانوا بيحشوة أرز مخلوط باللحم المفروم.وطبعا لازم المصريين يحطوا التاتش بتاعهم وزودوا على الخلطة الأصلية الطماطم والبقدونس وبقى محشي ورق العنب أكلة مصرية شهيرة. الملوخية:أول ناس زرعوها هما القدماء المصريين وكانوا فكرنها نبات سام ولما الهكسوس دخلوا مصر أجبروا المصريين على أكلها كنوع من الذل وكانت المفاجأه أنها مش سامه وعجبتهم وأخترعوا طرق جديدة لطبخها.وبعد فترة منع الخليفة الحاكم بأمر الله أكل الملوخية على عامة الناس وأمر أن الأمراء والملوك بس اللي يكلوها فسموها «الملوكية»ومع الوقت أتحرف بقت «ملوخية». الكشري:الكشري ليس طبقا مصريًا في الأصل.أصله بيرجع لأيام الحرب العالمية كان في جنود من الهند مع القوات البريطانية، في مصر وكان الكشري الهندي خليط من الأرز والعدس «أبو جبة» وكانوا بيطلقوا عليه أسم «كوتشري» ومع الوقت عرفه المصريين وبدأ ينتشر في القاهرة اللي كان بيسكنها أقليات إيطالية، فأحبت الأكلة وأضافوا لها المعكرونة وبعدين أضافوا المصريين عليها الصلصة والدقة والبصل المحمر والحمص ومن يومها بقى الكشري علامات المطبخ المصري. البيتزا:البيتزا أصولها ترجع لدول شرق البحر الأبيض المتوسط كاليونان وتركيا ومصر كانوا بيعملوا طبقة من العجين على حجر ساخن.ويغطوها باللحمة أو الخضروات وبعدين أخذها الجنود الإيطاليين إلى إيطاليا وزودوا عليها الصلصة والجبنة. المكرونة:في رواية بتقول أن كان في رحالة إيطالي أسمه «ماركو بولو» قام برحلة أستكشافية لبلاد الشرق سنة 1274 لمدة 24 سنة رجع بعدها بعدة أكتشافات منها المكرونة ومن هنا دخلت إيطاليا. البرجر:ليه روايتين: الأولى: بتقول أن أصله بيرجع لمدينة هامبورج الألمانية كانوا بيقدموا الرغيف الصغير فيه قطعة لحمة دائرية وسموها بـ «الهامبورجر».الثانية: بتقول أن كان في عائلة في حي هامبروجر عندها كشك لسندوتشات السجق وفي أحد الكرنفالات خلص السجق فأستبدلوه باللحمة المفرومة وسموه«الهامبورجر». الفلافل:أصل الفلافل يرجع للأقباط المصريين أخترعوها كأكلة مكان اللحوم أيام الصيام وكلمة فلافلهي كلمة قبطية مصرية مكونة من ثلاثة أجزاء:«فا»، «لا»، «فل»، يعني ( ذات الفول الكثير ) وأنتشرت في مصر إلى أنحاء العالم. البصارة:البصارة أصلها فرعوني وكان أسمها القديم «بيصورو» ومعناها الفول المطبوخ.وعن الحلويات متسألنيش.. البسبوسة:أصلها بيرجع للعثمانيين وسموها بسبوسة لأن الدقيق بيحتاج «بس» بالسمنة. لقمة القاضي:هي أكلة يونانية أسمها «لوكوماديس» ظهرت زمان في أسكندري لأختلاط المصريين باليونانين وكان اللي مشهور بيها محل يوناني صغير أسمه «تورنازاكي» كان في الشارع البوسطة في أسكندرية. القطايف:ترجع لأيام الأمويين وأسمها جه من أن كان في صانع حلويات أخترع نوع حلويات جديد عباره عن فطيرة محشية بالمكسرات وحط عليها شربات «فاقطتفها» الضيوف من جمالها عشان كدة سموها «قطايف». الآيس كريم:أصل الآيس كريم كان في الصين من 3000 سنة أباطرة الصين هم أول ناس عملوه من ثلوج الجبال وخلطوه بالفواكه وسنة 1899 أخترع الفرنسي أوجست جولين ماكينة لخلط الآيس كريم.

بلدنا اليوم
× الرئيسية آخر الأخبار تغطيات ومتابعات الرياضة المقالات الفن الحوادث خدمات خارجي الاقتصاد المحافظات لايف استايل منوعات