رئيس مجلس الإدارة
حمدان سعفان
رئيس التحرير
وليد الغمري
فيروس كورونا حول العالم
المصابون
المتعافون
الوفيات

بالفيديو.. تامر أمين: «السيسي جامد»

قال  الإعلامي تامر أمين، إن كل المحاولات التي بذلت لتخفيض سعر الدولار فشلت، ولكن عندما جلس السيسي مع  المجموعة الاقتصادية نزل سعر الدولار بعد ساعتين. وأضاف "أمين" خلال برنامجه "الحياة اليوم"، المذاع على فضائية  "الحياة"، "لازم نعترف إن السيسي جامد.. أول ما بص للمجموعة الاقتصادية بالعين الحمرا نزل الدولار”، متابعا: “السيسي ما نزلش بتقله.. أومال لو نزل بتقله هيحصل إيه.. الجنيه ممكن يبقى بـ10 دولار". وطالب تجار مصر، بخفض أسعار السلع والبضائع، تزامنًا مع تراجع سعر الدولار، بالسوق السوداء، قائلًا: «لو عندنا تجار عندهم دم، بعد ما غلّوا الأسعار، وقولنا إنهم غلابة وبيستوردوا بالدولار فلازم يغلّوا، بداية من النهاردة وخلال أسبوعين لازم الأسعار تنزل». وأضاف أمين «يعني العربية اللي كان ثمنها 150 ألف جنيه، وبقى 230 ألف، لازم ينزل سعرها تاني، وإلا تبقى حرام رسمي، وخاين لبلدك، نعذرك لما يبقى في زنقة، لكن أما الدنيا تريّح لازم تريّحها علينا إحنا كمان، عندي في مصر البضائع تعلى مع الدولار، لكن أما ينزل تفضل أسعار ثابتة». وشهدت السوق السوداء، تراجع سعر الدولار، في مقابل الجنيه، بعد أن تخطى، مؤخرًا، حاجز الـ13 جنيهًا، لأول مرة في تاريخ مصر.

بلدنا اليوم
× الرئيسية آخر الأخبار تغطيات ومتابعات الرياضة المقالات الفن الحوادث خدمات خارجي الاقتصاد المحافظات لايف استايل منوعات