رئيس مجلس الإدارة
حمدان سعفان
رئيس التحرير
وليد الغمري

شاهد.. وليد منصور يوجه رسالة قاسية لمحمد رمضان بسبب «البدلة»

وليد منصور

وجه المنتج وليد منصور رسالة قاسية إلى الفنان محمد رمضان، بسبب تأكيد الأخير في عدة بيانات صحفية، أن فيلمه الأخير «الديزل» يتصدر إيرادات موسم عيد الأضحى، إلا أن وليد منصور يتلاعب في النتائج، وهو ما دفع الأخير للخروج عن صمته من خلال حسابه الرسمي بموقع التواصل الاجتماعي «فيس بوك».

وقال وليد منصور: «رسالة موجه مني المنتج وليد منصور، إلى شخص مجنون يدعى محمد مرضان وصلني انك بتبعت رسائل من تليفونك الشخصي تتهمني فيها بتغير ارقام الإيرادات، مكنش نفسي أرد على شخص زيك رمز للإسفاف علشان مخرج العمل ومنتجه أصدقاء محترمين بس انت زودتها قوي يا حماده، أولاً إنت اسمك لازم كل مصر تغيره لـمحمد مرضان لإنك بتفكرني بالمجانين اللي ماشين في الشارع ومش عايزين يصدقوا إنهم مجانين، فإرتاح يا حماده محدش عاقل هيصدقك عمرك ما كنت رقم ١ في الإيراد، وعمرك ما كنت أحد نجوم الصف الاول وأنت عارف إن السبب إن فنك هابط يا مريض للأسف متعرفش تعمل غير دور المدمن أو البلطجي أو إرهابي أو حرامي».

وأضاف «منصور»: «أنا كان نفسي متكلمش عنك لإنك أصلاً بالنسبالي وبالنسبه لكل الشعب الراقي المحترم أكذوبة، وأنت عارف كويس أن أفلامك طول عمرها بتفشل قدام النجوم المحترمه زي السقا وعز وتامر وأستاذ عادل امام نصيحه يا مرضان روح أتمرن تمثيل بدال مانت أداءك واحد في كل أدوارك يابني انت طبعاً انت هتموت عشان مش عارف تشتري ڤيوز زي أغانيك الهابطه فمفضوح اوي قدام الغلابه اللي مصدقينك اللي بينقرضوا واحد ورا التاني يا ولا».

 

واختتم منصور رسالته بـقوله: «قسماً بالله لو لقيتك بتهرتل على أي حد تاني، هيكون ردي أعنف من كده، واصلاً انا لسه مخلصتش ردي إنت هتموت من الغيظ عشان البدلة ولسه هنعلم اكتر وانت عارف هتتمسخر إزاي الفتره اللي جايه زي ما اتمسخرت فكل أفلامك اللي فاتت».

بلدنا اليوم
× الرئيسية آخر الأخبار تغطيات ومتابعات الرياضة المقالات الفن الحوادث خدمات خارجي الاقتصاد المحافظات لايف استايل منوعات