خدعوك فقالوا.. سيبك من الراجل الأقرع

زمان كان مواصفات فارس الأحلام البنات والستات مختلفة عن دلوقتى، كان لازم يكون عنده شنب رشدى أباظة، وشقاوة أحمد رمزى ورقة عمر الشريف، برنس زى أحمد مظهر، وماكنوش بيعجبوا براجل إلا إذا كان بشنب، بعدها طلعت السكسوكة وبعدها الشعر الطويل، بعدها بقى القرع طلعوا ومانزلوش الصراحة، وزى ما أنا دايما باقول «والراجل إيه غير استغفر الله العظيم قرعة حلوة»، لو فى حياتك راجل أقرع هقولك إوعى تضيعيه من إيديك، ده نعمة من عند ربنا واحنا بنتشعبط فى رضا ربنا، وهقولك على مميزات الراجل الأقرع. جذاب فيه دراسات علمية كتير اتعملت وأثبتت إن الستات بينجذبوا للرجل اللى بيحلق شعره بالكامل، عشان بيلاقوه مختلف ومش بيبذل جهد كبير عشان تقعى فى شباكه، ويقال فى الدراسات إن الصلع بيساعد الست على إنها تركز فى شخصية الرجل أكتر سواء فى ملامحه، أو سلوكاته.القوةتوحى للنساء بالقوة، قال يعنى الراجل ده قوى وحمش كده ودى من الحاجات اللى الستات بتحبها، والذقن عامل مهم جدا فى الإيحاء بقوة الراجل وقلبه الميت.ملمسها صُلحالراجل الأقرع بيوفر كتير على البنت لما تيجى تصالحه، فلو لمست بس راسه وقالتله سورى خلاص كده راح هو فى ملكوت تانى، فنقدر نعتبر إن لمس القرعة أو الطبطبة عليها طريقة وأسلوب للصلح.رزين وعاقلبالإضافة إلى الجاذبية اللى بيتمع بها الرجل اللى بيحلق شعره بالكامل، كمان شكلة بيكون أكثر جدية وصرامة ويتمتع بشكل رجولى أكثر من غيره.مسيطرأثبت الدراسات أن الرجالة اللى بيحلقوا شعرهم بالكامل أو عندهم الصلع يتمتعون بشخصية قوية مسيطرة، والستات عموما بيفضلوا الرجل المسيطر، صاحب الكلمة الأولى.موفربعض الشباب بيصرفوا فلوس كتير على قصات الشعر والكريمات والشامبو عشان شعرهم مايقعش، إلا الرجل الأصلع ماعندوش بند هشيل فلوس عشان الشامبو والكريم، الفلوس هتكون ليكى أو ليكى برضه أو حاجة مهمة ليكو فى حياتكو.واثق فى نفسهطول الوقت مش مهتم ومش مركز مع حد، واثق فى نفسه، محدد خطواته، وعشان كده تلاقى معظم أصحاب المناصب القيادية هما الرجال اللى شعرهم واقع.مالوش حجج ومبيضعش وقتالرجل اللى بيحلق شعره بالكامل عنده وقت فراغ كتير عن غيره، ولا بيروح للحلق ولا بيغسل شعره حتى، فهتلاقيه مبيتأخرش على مواعيده، متاح فى أى وقت، مش هيقولك مش فاضى عشان رايح للحلاق أو ما شابه من الحجج دى.باختصار لو إنتى مش بتفضلى الرجل الأصلع أو اللى حلق شعره بالكامل، لما تقرى الصفات دى المدعومة بالدراسات العلمية هتعرفى إن الرجل الأصلع كنز بس مش أوى يعنى.