رئيس مجلس الإدارة
حمدان سعفان
رئيس التحرير
وليد الغمري

بالفيديو.. شريف مدكور يكشف حقيقة علاجه على نفقة الدولة

شريف مدكور

نفى الإعلامي شريف مدكور ما تردد عبر السوشيال ميديا، بأمر علاجه على نفقة الدولة، عبر فيديو قام بنشره على موقع التواصل الاجتماعي الشهير "إنستجرام"، ردًا على سيدة مصرية طالبت بعلاج نجلها من مرض سرطان العظام على غرار شريف مدكور.

وأكد شريف مدكور قائلاً: "في سيدة مصرية محترمة جدا بتدعي لي بالشفاء وابنها عنده كانسر في العظام وربنا يشفيه، وهي بتقول زي ما شريف بيتعالج على نفقة الدولة ابنها كمان عايزاه يتعالج على نفقة الدولة، وأنا مش بتعالج على نفقة الدولة ومباخدش أي حاجة على حساب الدولة، ومش معنى إني في مستشفى حكومي، إني أبقى بتعالج على نفقة الدولة حضرتك".

وأضاف شريف: "أنا بتعالج على حسابي الخاص في مستشفي حكومي فيه قسم استثماري، ودافع فلوس زي اللي بتدفع في المستشفيات الخاصة، فأنا حضرتك يا فندم مش بتعالج على نفقة الدولة ومفيش أي حاجة في حياتي بعملها على نفقة الدولة، حتى البنزين اللي بحطه في عربيتي، أنا ممكن أحط 92 وبختار بنزين 95 عشان مبقاش بستخدم حاجة مش من حقي، والضرايب بدفعها في معادها ومفيش أي حاجة بعملها بمحسوبية أو بالواسطة".

وتابع شريف حديثة قائلاً: "النقطة التانية اللي عايز حضرتك تعرفيها إن وزيرة الصحة مجتش مخصوص، لكن كانت جاية المستشفي في زيارة بتفتتح دور في المستشفى وعرفت إن أنا موجود، وقالت: أنا عايزة أسلم عليه وكانت في نفس الدور".

يٌذكر أن شريف مدكور أجرى جراحة لإزالة ورم بالقولون بمستشفى "دار الشفاء" الحكومى، منذ عدة أيام، ونجحت العملية وسوف يخرج من المستشفى بعد عدة أيام.

بلدنا اليوم
× الرئيسية آخر الأخبار تغطيات ومتابعات الرياضة الفن الحوادث خارجي الاقتصاد المحافظات لايف استايل منوعات المقالات