سعفان لـ"عواد": أنا مش عايزك.. ولو لعبت في الإسماعيلي تاني هقعد في البيت

رد سعفان الصغير مدرب حراس مرمى نادي الإسماعيلي على تصريحات محمد عواد الذي طلب فيها الرحيل عن صفوف الدراويش.

وقال سعفان في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد: "عواد بيهدد بالرحيل؟، ما يمشي عادي، أنا حسيت أن الإسماعيلي أبوابه هتتقفل لو عواد مكملش".

وأضاف: "أنا مدرب حراس الفريق وبقول مش عاوز عواد في النادي تاني، ولو هيرجع يبقى لازم يتأسف لأصغر عامل ومشجع في الإسماعيلي قبل الاعتذار لإدارة النادي".

وتابع: "إلى مش عاوزنا مش هنعوزه، أنا هقعد في البيت لو عواد رجع الإسماعيلي بدون اعتذار".

واختتم: "مش الإسماعيلي إلى يتنطط عليه أي لاعب، أي لاعب يتمنى يمشي جمب نادي الإسماعيلي، ومفيش حارس مرمى في مصر يستحق أكتر من 5 ملايين جنيه".