نشرت فضائية "إكسترا نيوز"، مقطع فيديو، على قناتها الرسمية بموقع الفيديوهات الأشهر في العالم "يوتيوب"، تضمن تسريبا صوتيا لقيادي إخواني هارب يدعى علي بطيخ، مع أحد عناصر جماعة الإخوان الإرهابية في مصر.
وقال "بطيخ"، خلال مكالمة هاتفية مُسربة له مع شاب إخواني: "أنا حابب في البداية أبلغك وكل الأخوة في مصر، أننا فخورون باللي حصل في مصر اليومين اللي فاتوا في المظاهرات، وخاصة إنها أحرجت النظام بشكل كبير جدا، ووضعته في حجمه الطبيعي أمام العالم"، متابعا: " أنا مستبشر إن في نصر كبير هيتحقق خلال اليومين الجايين، وإن شاء الله خلال الفترة الجاية هيكون عندكم مهام كبيرة وكثيرة علشان نحقق مكتسبات جديدة من خلال المظاهرات، ونستعيد القدرة التنظيمية للحشد والتظاهر الفترة الجاية".
وواصل "بطيخ": أوصيكم بالصبر، إحنا بنستعيد تعاطف العالم معانا بشكل كبير، والإخوة هنا في تركيا مصرين على المساعدة والمساندة، وإحنا لازم نتبع نفس السياسية بالظهور في المظاهرات والاختفاء وقت الضرورة إذا لزم الأمر، ليرد الشاب الإخواني قائلا:" انا فاهم حضرتك يا دكتور، وبطمن حضرتك إحنا جاهزين، وبنرشد الإخوة في كل المحافظات علشان نحتشد الجمعة الجاية للمظاهرات".
واستكمل القيادي الإخواني "علي بطيخ"، في حديثه مع الشاب،: " مش محتاج أكد عليك تاني في التعليمات الأخيرة، وخاصة ممنوع الاقتراب من الأديرة والكنائس تماما، إحنا بنجهز لهم حاجة ستزيد الأمر اشتعالا"، مختتما:" خلال الفترة الجاية الابتعاد عن الكنائس والأديرة، وأبشركم بعمل كبير هيهز البلد بجد".
تابعوا أخبار بلدنا اليوم على Google News
