رئيس مجلس الإدارة
حمدان سعفان
رئيس التحرير
وليد الغمري
خالد السعيد

الرئيس والمواطن

انخفاض سعر البنزين اللي حصل النهارده خطوة مهمه جدًا، ضمن الخطوات اللي الرئيس السيسي وعد إنه يتم تحقيقها وتنفيذها علشان يسهل كتير على الشعب المصري.

انخفاض سعر البنزين دي البداية حتى ولو كان بنسبة بسيطة، وده دليل إن الرئيس لم يغفل محدودي الدخل الذين كانوا تأثروا سلبًا، بتلك الإجراءات اللي تمّ اتخاذها من شهور، لذا طمأنهم، ومش بس البنزين هو الإجراء الوحيد اللي ساند فيه الرئيس محدودي الدخل، لا ده كمان الرئيس السيسي في لافتة مش بنشوفها كتير تدخل شخصيًا لمتابعة مشكلة "تنقية البطاقات التموينية"، حفاظًا على حقوق المواطنين، ووعد إن كل واحد هيأخذ حقه وإنه مش هيسمح ابدًا إن المواطن البسيط يعاني.

الرئيس لما قال إنّ فيه حزمة قرارات في مصلحة المواطن، طبعًا خرج بعض من اللي بيحاولوا يزرعوا الفتنة في الشارع المصري، وكلنا عارفين هما مين، وقالوا ده مجرد كلام، يعني إيه البنزين هينخفض، وهو يعني هيقدر يرجع المحذوفين من بطاقات التموين، ده كمان هيزود دخل الفرد في التموين، كل ده الرئيس هيعمله وحاولوا يشككوا الشعب في رئيسهم، لكن اللي حصل بقى على الأرض كان كفيل إنه يخرص ألسنة كل الناس دي، وكان دليل قوي إن الرئيس دايمًا سند للمواطن وتحديدًا محدودي الدخل.

النتائج اللي بنشهدها حاليا من انخفاض سعر الدولار و ما استتبعه من انخفاض في بعض السلع يؤكد على ان الرئيس كان له نظرة مستقبلية ثاقبة و اننا نسير في الطريق الصحيح.

انتظروا القادم ولا تتسرعوا في الحكم على الأمور، تفائلوا تجدوا الخير.

بلدنا اليوم
× الرئيسية آخر الأخبار تغطيات ومتابعات الرياضة الفن الحوادث خارجي الاقتصاد المحافظات لايف استايل منوعات المقالات