عرض الدكتور خالد الجندي، عضو المجلس الأعلى للشئون الإسلامية بوزارة الأوقاف، خلال تقديمه برنامج "لعلهم يفقهون"، المُذاع عبر فضائية "دي إم سي"، صورة لجندي مصري يقرأ القرآن وهو في خندق، أثناء حرب أكتوبر 1973.
وعلق الجندي: "الصورة ديه أبلغ من كل معاني الكلام اللي ممكن أقدر أقولك عليها، غذي عنيك ومقلتيك بالصورة ديه، ده واحد من رجال 73، مش محتاجة شرح السلاح في يد والقرآن في يد والقوة والإرادة حديد، وكل أمنيته أن تكون آخر لحظاته هي الآيات التي يقرأها من القرآن الكريم"، متابعا: "أسد واقف وراجل، رحمة الله عليه إن كان مُتوفى وربنا يباركله في عمره إن كان على قيد الحياة".
وواصل عضو المجلس الأعلى للشئون الإسلامية بوزارة الأوقاف: "دي النوعية اللي انتصرنا بها في حرب أكتوبر 1973، مفيش تخلي عن السلاح أو القيم الدينية، مينفعش تقارنه بالنكرات التي تحاول النيل من جيشنا وشعبنا، الصورة ديه مش عادية ديه لوحة عالمية، ديه صورة مقاتل عايز يندفن هنا، وقرر إنه ميطلعش من حفرته إلا على آخرته، كل ما أشوف الصورة ديه أقول اللهم احشرني مع الشهداء الأبطال، أحياءً وأمواتا".
تابعوا أخبار بلدنا اليوم على Google News
