رئيس مجلس الإدارة
حمدان سعفان
رئيس التحرير
وليد الغمري

"بلاش كمامات".. كارثة تهدد الأطفال بشأن أساليب الوقاية من كورونا

مدارس وكورونا

حالة من الذعر انتابت المجتمع المصري، مع إعلان وزارة الصحة والسكان، عن أول حالة لراكب صيني حامل لفيروس كورونا، حيث تم توقيع الكشف الطبي عليه داخل مطار القاهرة الدولي، ولم تظهر عليه أعراض المرض التي تتمثل في ارتفاع درجة الحرارة والعطس والرشح المشابهة لأعراض مرض الإنفلونزا.

وأضافت الوزارة، أنه تم إخضاع 15 شخصًا بينهم الشخص الحامل للفيروس كورونا للحجر الصحي، وتم قياس درجات الحرارة والحصول على مسحة من الزور وتم إرسالها فجر أمس إلى المعامل المركزية للتحليل، وكشفت أن شخصًا واحد حامل فقط لفيروس كورونا المستجد وباقي الحالات لا تعاني من أي وباء محتمل.

وطالب عدد كبير من أولياء الأمور، وزارة التربية والتعليم بتأجيل الدراسة في المدارس والجامعات لمدة إسبوعين، وذلك حرصًا على سلامة أبنائهم بالتزامن مع تخوفات بانتشار فيروس كورنا في مصر.

ونستعرض في التقرير التالي، بعض النصائح والإجراءات الوقائية لأولياء الأمور لحماية أطفالهم من "كورونا":

_لكل الآباء والأمهات ولكل أولياء أمور أطفالنا : بلاش ماسكات أو كمامات، تحذير مهم بخصوص الماسكات اللي بعض الأولاد رايحين المدرسة لابسينها بداية من الترم الثاني.

_الماسك ده أحد الواقيات الشخصية لمكافحة العدوى واللي له قواعد وشروط معينة لارتداؤه اهمها إنه ماينفعش أطفال يلبسوه بدون كنترول لأنه في الحالة دي هيضر مش هيحمي أبدًا.

_ الماسك ما ينفعش يتلبس ويتقلع ويرجع يتلبس تاني لأي سبب سواء إن إبنك عايز ياكل او يتكلم أو يريح منه شوية .

_ما ينفعش أبدا إبنك يجري في البريك مثلا وهوا لابسه ده اذا كان لسه لابسه، لأن ده بيأثر على عملية التنفس.

_الماسك لو اتقلع واتحط على أي سطح بيفقد كفاءته تماماً وبيصبح نقمة مش نعمة لأن كل الرذاذ اللي موجود فيه اتنقل للسطح اللي اتحط عليه وكل واحد تلامس مع السطح ده.

_طيب اللي هتقول ممكن أديله ماسك تاني عشان لو قلع الأول يرميه ويلبس التاني .. دي كارثة تانية طب ليه ؟

أولاً: اللي قلعه ما ينفعش يترمي في باسكت النفايات العادية.

ثانياً: الماسك التاني الجديد لازم قبل ما يتلبس يتم غسل الأيدي جيدا بالماء والصابون ويتم ارتداؤه دون ملامسة الجزء الداخلي، هل الولد هيكون قادر على اتباع هذه الإجراءات؟ وطبعاً المدرسة غير مسئولة على الإشراف أو متابعة تطبيق هذه الإجراءات لأنها غير مدربة وغير متخصصة.

_يتم التنبيه على الأولاد بضرورة المحافظة على نظافة اليدين باستخدام جل مطهر أو وايبس بين كل حصة والتانية ومسح الديسك بين كل حصة والتانية بالوايبس والتخلص من المنديل فورا.

_قبل النزول للبريك نغسل اليدين بالماء والصابون وبعد البريك قبل ما ندخل الكلاس نغسل اليدين تاني بالماء والصابون.

_ما حدش يستخدم حاجة حد نهائياً، ولو حد عطس أو كح برضه يستخدم الجل أو الوايبس فوراً .

_لو إبنك تعبان ومناعته ضعيفة ما يروحش المدرسة وكل المدارس عندها تعليمات إن أي طفل تعبان أو عنده مشكلة ممكن تعرّضه للعدوى بسهولة ما يروحش المدرسة .

بلدنا اليوم
× الرئيسية آخر الأخبار تغطيات ومتابعات الرياضة المقالات الفن الحوادث خدمات خارجي الاقتصاد المحافظات لايف استايل منوعات