عبّر الفنان والمطرب تامر حسني، عن غضبه الشديد بسبب تعرضه لموقف مروع بسبب الكمامة ، وذلك من خلال حسابه الشخصي بموقع التواصل الاجتماعي" فيس بوك".
وعلق تامر حسني على الصور قائلا"أنا شوفت موقف قدامي صدمني مش قادر محكيهوش.. شوفت واحد بيقول لصاحبه: ياد شيل الماسك ياد واسترجل.. طب هو عشان في وجهة نظر حضرتك يسترجل فيكون سبب في موته وموتك وضرر كل من حوله، معقول كل دول العالم المتطورة مؤمنة بالوقاية دي وإحنا بقى اللي عندنا الفهلوة والمفهومية كلها اللي بيتريقوا على الوقاية دي".
وأضاف: "أكيد مسكتلوش وفهمته على قد ما أقدر، يا سيدي لو حتى انت من الناس اللي بتقول دا وهم مش هتخسر حاجة، لما تاخد كوكب الأرض بالكامل على قد عقله وتحافظ على نفسك الكام يوم دوول، بس المشكلة إن في منه كتير بيفكروا زيه عشان كدا كلنا لازم نتكلم كتير مع كل الناس عشان نوعي أي حد مش حاسس بالخطورة، لازم نلتزم ونقعد في البيت ١٤ يوم يا ناس عشان نسيطر على انتشاره وميتحولش لوباء، الصين انتصروا على الوباء لما التزموا ومنزلوش الشوارع نهائي".
وتابع: "ولو في ناس شغالة بيوميات لازم توصلهم يومياتهم لحد عندهم من باب الرحمة عشان ربنا يرحمنا.. يا جماعة دا إن شاء الله اختبار من ربنا وهننجح فيه لو اتعاملنا معاه صح وبمنتهى الرحمة.. والتعب وارد يحصل لأي حد فينا وهيخف إن شاء الله زي ما آلاف خفوا وخفوا من أمراض أكتر من كدا بمليون مرة، ودا مش أول وباء عالمي يمر على البشر وغيرنا مر بأكتر منه.. دي فرصة للي مقصر في حق ربنا إنه يقرب منه تاني".
واختتم حديثه قائلًا: "أهو دا جانب إيجابي لازم نشوفه، لازم نشوف إن الصعوبات دي بتشيل من علينا كتير عند ربنا وربنا هيعوضنا خير عنها إن شاء الله، ومننساش ندعي ربنا كتير لأنه هو خالق كل الكائنات دي وقادر إنه يوقفها بمشيئته".
تامر حسني عن فيروس كورونا: "الدولة لازم تعمل حظر تجول"
علق الفنان تامر حسني على فيروس كورونا المنتشر بالعالم، ووجه رسالة تحذيرية إلى مواطنين، بطريقته الخاصة.
ونشرت تامر حسني عبر خاصية القصص المصور على حسابه الشخصي "انستجرام"، مجموعة من مقاطع الفيديو لحديث الشيخ الشعراوي عن نزول البلاء وكيفية التعامل معه ومع الأزمات التي يمر بها البشر.
وطالب من خلالها تامر حسني بالتزام المنازل وعدم الخروج لأن البعض يتخذ قضية الفيروس بشكل مضحك ولا يليق مع جدية الحدث قائلا: "أخدنا إجازات عشان نحافظ على بعض ونحصر المرض مينتشرش وسطنا".
تابع تامر حسني: "مش فاهم بعض الناس واخدين الموضوع هزار وإجازة وفسح وزحمة رهيبة عادي، رجاء كل الناس تأمن نفسها من دلوقت ويشتروا لوازم المنزل من دلوقت والمقتدر يأمن الغير مقتدر، الظروف الجاية أصعب والدولة لازم تعمل حظر تجول ده لازم لازم، للي مش واخدين بالهم يا جماعة ده وباء مش وقفة العيد، وحرصنا هيخلينا نخلص منه بدري جدا".
اختتم تامر: "بلاش خروج أرجوكم إلا لو هتشتروا مخزون البيت وتكونوا واخدين كامل الحذر في الوقاية من الاحتكاك بكل شيء ورجاء متنسوش الغير قادرين، ربنا يحفظكم ويحفظنا جميعا".
اقرا ايضا : الصين تفاجئ العالم باكتشاف جديد حول أعراض فيروس كورونا
اقرا ايضا : بعد إصابتها بـ كورونا.. 8 معلومات عن الفنانة هند البحرينية
اقرا ايضا : بعد الفيديو الإباحي| اتهام جديد لشيما الحاج.. والفنانة ترد بقوة
تابعوا أخبار بلدنا اليوم على Google News
