عانى الملحن خالد عادل من أزمة صحية قبل وفاته، استغاث على إثرها بالفنان تامر حسني الذي خلال فيديو نشره عبر حسابه الشخصي على موقع التواصل الاجتماعي "انستجرام"، بالفنانين وخاصة الفنان تامر حسني، وهو على سرير مستشفى ويبكي، قائلا: "رجوكم إلحقوني بسرعة، أنا في مستشفى شبرا، تعبان جدا جدا وهما مش عارفين يعالجوني، أرجوكم أنا بموت وحاولت أعمل استغاثة من أصحابي اللي نحوا معرفتش، وامبارح جالي غيبوبة، أرجوكم ممكن تساعدوني أخرج، في مشكلة رهيبة رجلي الشمال مبتمشيش".
وتابع خالد عادل: "مش قادر أمشي لو حمشي كنت قطعت السلك ومشيت، لكن مش عارف اتحرك وتعبان جدا ومحدش بيساعدني، أرجوكم إلحقوني ونبي عاوز أمشي أنا مش عايز حد يعالجني حطلع من هنا وأموت لو سمحت أي فنان يساعدني انا في مأزق جامد جدا انا بتهان"
وأنهى الملحن خالد عادل الفيديو باكيا.
لم تمر أيام بعد استغاثة الملحن الراحل ثم توفى، وبدأت الشائعات تتردد حول تخلي تامر حسني عنه وعدم الالتزام بكلمته، إلا أن الملحن تامر حسين خرج عن صمته لينفي هذه الشائعات جملة وتفصيلًا مؤكدًا على التزام تامر بكل ما قال: "تاني وتالت شهادة حق لوجه الله الكريم، الناس اللى بتتهم (تامر حسنى) إنه اتأخر عن خالد عادل ... تامر حسني من أول يوم وهو مع خالد وعمره ما إتأخر والفيديو اللي نزل لخالد أخوه قال إنه ماكنش في وعيه وعشان تامر كان معاه من أول يوم طبيعي يقول له الحقني يا تامر دليل قرب تامر منه".
وتابع حسين: "وللأمانة تامر حسني متأخرش في أي حاجة معنويًا ولا ماديًا ولا مصاريف مستشفى ولا حب إن حد يشارك معاه في أي مصاريف رفض واتحملها لوحده وأشهد لتامر حسنى إنه راجل شهم وجدع وصاحب صاحبه وأصيل في المواقف الإنسانية دي جداً ودفاعاً عن الحق أنا بقول شهادتي لوجه الله إن تامر ما قصرش كتر ألف خيره وربنا يزيده من خيره على وقفته مع خالد، فمن فضلكم اللي ما يعرفش التفاصيل والكواليس ما يتهمش الناس بالباطل ....الناس اتخدعت في تفسير الفيديو رغم إن أخو المرحوم خالد طلع وضح ولسه في ناس فاهمة غلط حبيت أقول كلمة حق تامر حسنى جدع وراجل، وسمعته في المواقف الإنسانية سبقاه".
أقرا ايضًا:
"طبق الأصل".. أحمد الفيشاوي يثير الجدل بصورة لـ شبيه والده
بصور مثيرة.. كنزي عمرو دياب تغضب جمهورها مجددًا
تابعوا أخبار بلدنا اليوم على Google News
