حالة من الجدل أثارتها لوجين ابنة الممثل الهارب محمد شومان، على مواقع السوشيال ميديا، وذلك بعد نشرها مقطع فيديو، علنت فيه أنها تتبرأ من والدها.
نشرت لوجين ابنة الممثل الهارب الفيديو عبر حسابها الشخصي على موقع التواصل الاجتماعي "فيسبوك"، وقالت خلال الفيديو: "أنا لوجين شومان، بنت محمد شومان اللي أصدر بيان على صفحته بيناشد السلطات أنها تنقذ أسرته اللي بتموت بالبطيء.. أسرته اللي هي أنا وأختي وأخويا وإنهم يفرجوا عن أخويا من غير أي شروط".
وأضافت لوجين، "مبدئيا إحنا مش أسرتك عشان أنت مجرد اسم لي البطاقة إحنا ملناش أي صلة بيك وقطعنا كل ما لينا علاقة بيك من 5 سنين .. وابنك أنت متحملتش مسؤوليته من وهو عنده سنة ونص، إنت مش رب أسرتنا.. رب أسرتنا هي أمي أنت مش مسؤول عننا .. إنك تتكلم بلسانا ده مش من حقك .. هما بيحققوا معاه عشان يعرفوا أنه مالوش صلة بيك وهما عارفين ده وهيطلع بس مالكش دعوة أنت.. لو عايز تعمل أب انزل وواجه لكن مش قاعد ف بلد تانية وبتتكلم وحاولنا كتير نشيل اسمه من البطاقة بس معرفناش وبوجه رسالة للسلطات يعرفونا إزاي نتبرأ خالص منه يعرفونا إزاي .. وجودك في حياتنا هو الأذى".
أقرا ايضًا:
حلا شيحة تتعرض لهجوم عنيف من متابعيها بسبب هذا الفيديو
فنان مشهور يعلن انسحابه من مسلسل "الفتوة" لياسر جلال
تابعوا أخبار بلدنا اليوم على Google News
