بعد هجومها على شباب مسلسل بـ"100 وش".. أول رد من فنان على كاملة أبو ذكري

علق الفنان محمود درويش، على منشور المخرجة كاملة أبو ذكري، بعد هجومها على ممثلين مسلسل بـ "١٠٠ وش".

وقال من خلال حسابه الرسمي على "الفيسبوك": "غرور ليه احنا مين اصلا احنا فعلا لسه الناس بتندهنا باسم الشخصيه نفوق كده ونركز اللي عملنا هما الناس فا بلاش نخسرهم .. والله والله انا ما عارف الاستاذه كامله بتتكلم عن مين بالظبط بس لو كنت انا منهم ومعتقدش ده خالص فا انا اسف جدا".

وأعربت المخرجة كاملة أبو ذكري عن استيائها الشديد من فنانين مسلسل «100 وش» الشباب، واتهمتهم بالغرور بعد نجاح العمل، ونصحتهم بالتراجع عن هذه الصفة.

وعلقت كاملة عبر صفحتها بالفيس بوك قائلة: «عرفت وًسمعت ووتأكدت أن بعض الممثلين المبتدئين من مسلسل بميت وش بعد النجاح الفظيع للمسلسل شافوا نفسهم، والغرور سيطر علي تصرفاتهم، عايزه أقولكم خسارة، الغرور مقبرة الفنان زي ما قلنا يوسف شاهين».

وأضافت: «ده انتم لسه الناس ما تعرفش أساميكم الحقيقية، وبتشاور عليكم باسم الشخصية إلي قدمتوها،الغرور ممكن يقتلكم، وغرور ليه، انتم مين أصلًا، كلنا مين أصلًا، دكتور مجدي يعقوب متواضع، مجدي يعقوب بجلالة قدره، وربنا يهدي".