بالأبيض والأسود.. منى زكي تخضع لجلسة تصوير جديدة بإطلالة كلاسيكية

خضعت الفنانة منى زكي لجلسة تصوير جديد، اختارت فيها إطلالة كلاسيكية مميزة.

ونشرت منى زكي عبر حسابها الشخصي على موقع الصور والفيديوهات الشهير "انستجرام"، وظهرت باللونين الأبيض والأسود، بينما جاءتها ردود أفعال متابعيها بشكل إيجابي.

جدير بالذكر أن وشاركت منى زكي مؤخرًا من خلال فيلم "الصندوق الأسود" والذي عادت من خلاله إلى شاشة السينما بعد غياب 4 سنوات، والتي أكدت أنها تجربة مختلفة كونها تنتمي لنوعية التشويق والإثارة.

A post shared by Mona Zaki (@monazakiofficial)

في سياق سابق، حل الفنان محمد فراج ضيفاً في برنامج "معكم" مع الإعلامية منى الشاذلي على قناة cbc وذلك بمناسبة طرح أحدث أعماله وهو فيلم "الصندوق الأسود".

وتحدث فراج من خلال البرنامج عن الفيلم وكواليس تصويره كما تطرق للحديث عن حياته الشخصية وخطيبته الممثلة بسنت شوقي.

ومن خلال هذا التقرير تقده لكم جريدة "بلدنا اليوم" لقرائه أبرز تصريحات محمد فراد في "معكم" والتي جاءت كالتالي:

1- حسيت أن ربنا بيكافئنى لأن أول مرة أقف مع منى زكى فى فيلم "الصندوق الأسود" وكمان بعدها أصور مسلسل "تقاطع طرق"، وقلت ده كرم كبير من ربنا وأتحمست جدا لأنها أكتر ممثلة ونجمة اشتغلت معاها واستمتعت بالشغل ده لأن لديها كم من الاحترافية فى الشغلانة لا توصف.

2- لما تشتغلى مع منى زكى ولا هتحسى ولا هتشوفى النجومية اللى هى فيها ولكن بنشوف واحدة منغمسة فى وسط الشغلانة وبتموت نفسها وبتكون أقل من أى وجه جديد وخايفة وبتعمل أكتر من الناس العادية عشان الشغل.

3- أنا بحب منى زكي جدًا جدًا، وأنا من جمهورها، وبيبقى عندي طاقة إني أتعرف على الناس اللي بشتغل معاهم وأعرف شخصياتهم، ومرة كنا بنهزر راحت ضربتنى فى بطنى حسيت بوجوع جامد وسكت واكتشفت أن منى زكى إيدها تقيلة.

4- باسبوري ضاع وقت تصوير "الصندوق الأسود" في شرق أوروبا ودي كانت أصعب حاجة أمر بيها.

5- وفى وقت كورونا لقيت نفسى شخص ملتزم جدا، ودخلت المطبخ لأنى بحبه وأتعلمت وقتها الطبخ بس للحاجات البسيطة اللى تساعدنى فى اليوم نفسه، لكن أنا أصلا بحب المطبخ وبغسل المواعين وهدوم لنفسى لأنى عايش لوحدى.

6- التزمت وقت كورونا من خوفى على نفسى وعلى أهلى أكتر لأن أنتى بتشوفى الوعى عند الناس ضعيف، والأعداد بتزيد فى العالم كله، وكويس أنى قدرت التزم لأن أنا شخص مش بحب القعدة، ولكن التزمت لخوفى على أفراد عائلتى.

7- لما مكتب شريف عرفة كلمونى أنه عاوزنى فى فيلم "الممر" فضلت 3 أيام مش عارف أنام كويس ومانمتش 3 أيام كمان بعد ما قابلته، وأنا كنت طماع حبيت أغتنم الفرصة كلها، لأن كل عناصر العمل جميلة جدا وناس عظيمة، وكنت خايف وقتها ولكن مش بحب أظهر الخوف ده وأركز فى شغلى، ودى كانت أول مرة أمثل باللهجة الصعيدية.

8- رغم أصولى الصعيدية ولكن عمرى ما مثلت بالصعيدى وفي "الممر" الموضوع مكنش صعب بالنسبة لى، كمان الفيلم كان في حاجة حلوة وهو أن في خمس لهجات لكل شخص".

9- غيري حقيقي أخبار خناقتي مع بسنت في مهرجان الجونة، ماحصلش خالص وأنا شوفت الخبر وكأنه سيناريو.

10- اللى حصل مع بسنت في الجونة أنه كنا داخلين متأخرين جدا، وعاوزين نشوف الفيلم وسامعين المزيكا بتاعته بتبدأ وكنا هنتصور بس على السجادة بسرعة وفعلا اتصورنا سوا وبعد كده هى هتتصور لوحدها ومن لخمتها رميت الموبايل عشان تعرف تتصور.

10- سبب الذقن هي أني نصور مسلسل مع المخرج تامر محسن، ومحمد ممدوح وسيد رجب، وأنا مربيها من شهر 12 عندها سنة.

إقرأ أيضًا..

معلومات عن رئيفة شقيقة دكتور رفعت وخطيبته هويدا في مسلسل ما وراء الطبيعة

القصة الكاملة لأزمة هاني مهنا مع عمر كمال وشاكوش وبيكا.. فيديو