أشاد الإعلامي نشأت الديهي، بتقرير "بلومبيرج"، حول تحقيق البورصة المصرية أكبر مكاسب لها على مدار 3 أيام، مشيرا إلى أن مكاسب البورصة المصرية هي الأعلى منذ عام 2016، وأنها تعكس استقرار مصر.
وأضاف الديهي، خلال تقديمه برنامج "بالورقة والقلم"، المذاع عبر فضائية "تن"، "لما البورصة المصرية خسرت، واحد اتصل بيا وأنا في نيويورك، وقال لي، إلحق البورصة خسرت وصاحبك وقع، ولما زادت النهاردة 8.7 % أنتظر التليفون ميجيش، خلاص راح، إحنا في الخراب مكنة وأسانسير بيجري، لكن في الخير، نطلع السلم ومش قادرين نتكلم، وبنتخرس ولسانا بيتقطع ومبنسمعش ولا بنيشوف".
وتابع مقدم "بالورقة والقلم": "مصر ليست بلد مجموعة أو نخبة، ولكن بلد الجميع وكل واحد له نصيب فيها، وبالتالي عليه أنه يخاف عليها، وميدورش هياخد إيه من البلد وهيستفيد منها إيه، لأن كلنا هندور ندي إيه للبلد، من غير مزايدة، وكل واحد على قد ما يقدر إن شاء الله بكلمة خير".
تابعوا أخبار بلدنا اليوم على Google News
