رئيس مجلس الإدارة
د/ إلهام صلاح
رئيس التحرير
وليد الغمري

بالفيديو.. السيسي يشكل لجنة من الشباب لبحث حالات الاختفاء القسري والاحتجاز

رد الرئيس عبدالفتاح السيسي، اليوم، خلال لقاءه الصحفيين والمراسلين الأجانب، بمنتدى شباب العالم، على مزاعم وجود انتهاكات لحقوق الإنسان فى مصر.

وقال السيسي: "هطرح عليكم طرح على شباب محايد مستعد ياخد كل البيانات اللى بتطرح ويتم تداولها فى الخارج، عن العدد والسياسيين والاحتجاز والاختفاء القسرى، ويتم خلال أسبوع أو شهرين الوقوف على حقيقة ذلك، ولما اللجنة دى تطلع بنتايجها تعلنها للناس".

ونوه: "مش عاوزين نقعد نتكلم ونسيب بلادنا في الضياع متخلفة في كل شيء، عاوزين نفضل نشتغل ونبنبى ونعمر ونوصل ونكبر ويبقا عندنا ناتج محلي بدل المواطن المصري الدخل بتاعه كلام يحرج ويكسف، عاوزينه يكسب ويقدر يعيش ويفتح بيت زى الكل ما بيعيش، المصري مبيتفسحش علشان مش لاقى.. وعاوز ياكل، بقول كده لأن دي قضايا يا واخد ايد البلد دي لقدام".

وأضاف: "هل الكلام ده حقيقى ولا لأ؟، هل النهارده فيه الكلام اللى بيٌطلق ده، بالأرقام اللى بتتقال دى حقيقي ولا لأ؟، أحيانا تكون البيانات التي يتم الحصول عليها ليست دقيقة وساعات الموضوعات التي يتم طرحها مبتبقاش موضوعات كاملة وبالطريقة دي هتكون الإجابة إن احنا دولة قانون ومبيتمش أى إجراء خارج إطار القانون وعدم التدخل فى شؤون القضاء مش هقول كده هقول هاتوا البيانات اللى انتوا بتقولوا عليها وهاتوا قوائم الاختفاء القسرى كان فيه لجنة اتشكلت فى أول مؤتمر شباب وأى إجراء خاطئ مستعدين نصوبه فى النهاية".

وتابع: "هو انتوا بتحبوا شعبنا اكتر مننا؟..انتوا خايفين على بلادنا أكتر مننا؟، احنا بلادنا مش لاقية تاكل.. مستعدين تساعدونا؟ البلد دي عاوزة تعيش والشعب عاوز يكبر وينمو زى الباقى كبر وبقا حكاية .. محدش يعوقنا ويعرقلنا بالكلام ده.. وعلشان كده قلت اعملوا لجنة وشوفوا الكلام ده واعلنوا النتايج بتاعتها".

بلدنا اليوم
× الرئيسية آخر الأخبار تغطيات ومتابعات الرياضة المقالات الفن الحوادث خدمات خارجي الاقتصاد المحافظات لايف استايل منوعات