رئيس مجلس الإدارة
د/ إلهام صلاح
رئيس التحرير
وليد الغمري

حمو بيكا : عندى حفلات فى دبى وتركيا ولبنان تكفينى سنة

حمو بيكا

وجه مؤدي المهرجانات حمو بيكا، رسالة عن طريق البث المباشر بعودته للغناء فى مصر وحصوله على تصريح ، وذلك من خلال حسابه الرسمي على موقع التواصل الاجتماعي "فيسبوك" .

وقال حمو بيكا :" ليه تمنع الفرحة من على وشوش الناس وحشونى صحابى واخواتى وكل حاجة فى مصر ،أنا بقالى شهر عدى عليا كأنه 100 سنة برا مصر ، مصر أم الدنيا وهتفضل بخير, سيبونا نشتغل جوه بلدنا، أنا هنا شغال بس مش بحس بطعم النجاح غير فى بلدى مصر".

وأشار :"الحمدلله عندى حفلات فى دبى وتركيا ولبنان تكفينى سنة ،انا طالع افضفض معاكوا شوية مش زعلان ان انا مش شغال فى مصر ,انا زعلان انكو حرمتوا جمهورى منى , كل اللى طلبه سيبونى اشتغل زى زمايلى كل مطربين المهرجانات والراب خدوا الكارنيهات مفضلش غيرى".

وأفاد :"بلاش تقفوا فى طريقنا , مش مبقاش فى العمر غير حاجة بسيطة ومفيش حاجة دايمة غير السيرة الطيبة وسيبوه الملك للمالك وبلاش تقطعوا فى أرزاق الناس الحياة صعبة وسيبوه الناس ترزق ربنا اللى بيقسم الأرزاق ".

وأردف :" الرزق بيتاخد منى فى مصر , ربنا جبلى رزق فى مكان تانى فى مكان محدش بيقول فيه ممنوع , فى نقابة هنا فى دبى بس محدش بيقولك انت ممنوع ولا متشتغلش ".

وأكد:" هنا الناس بتقدر الفن وكل واحد فى حاله اللى عايز يشتغل يشتغل والخير هنا كتير وفى بلدنا الخير اكتر سبونا نرزق ".

واستكمل:" رسالة لأمى وحشتينى وربنا ميحرمنى منك واخواتى وحشتونى وزوجتى ووش الخير هى حاليا معايا فى السفر وبلاش تتنمروا على حد ".

https://fb.watch/dPXgVsxh-u/

إقرأ أيضاً
× الرئيسية آخر الأخبار تغطيات ومتابعات الرياضة المقالات الفن الحوادث خدمات خارجي الاقتصاد المحافظات لايف استايل منوعات