لهذا السبب| سيدة تهاجم سوسن بدر في مكان عام.. والأخيرة ترد (فيديو)

تعرضت الفنانة سوسن بدر لموقف محرج أثناء تواجدها في أحد المحال التجارية.

وروت سوسن بدر واقعة السيدة التي تنمرت عليها وشتمها بسبب إطلالتها خلال مقايلة لها في برنامج "القاهرة الآن" مع الإعلامية لميس الحديدي، قائلة:"بعد ما عملت اللوك ده لقيت سيدة وبدون أي مقدمات اتنمرت عليا وبعدين بصتلي بصة كلها شر وراحت شتماني شتيمة مش هينفع أقولها طبعا من سيدة زي زيها مقاربة ليا في العمر وبتلبس كويس بصتلي وأنا في السوبر ماركت وقالتلي بحدة شتيمة وحشة أوي".

وقالت سوسن بدر عن ردة فعلها : "لقيتها سنها زيي ولابسة وعاملة شعرها سألتها هو أنا عملت مثلم وشتمتك وعلقت على لبسك ولون شعرك؟"، مردفة: "مش عارفة إيه حصل للشخصية المصرية طرأت عليها تغييرات ومش عارفة ده ليه علاقة بالأجيال الجديدة ولا إيه، مش هتدفنونا بالحياة أنا لا أخشى من التنمر لأن شكلي وشخصيتي تعكس قناعتي في الأمر الواقع"، مبينة: "إحنا هنكبر والصغير النهاردة بكرة هيكبر وكل سن وليه بهجته وجماله واللي بيتنمر النهاردة هيكبر بكرة أنا من حقي أعيش، أنا وغيري سواء كفنانة أو أي ست بتكبر محامية أو طبيبة أو غيره".

وعن شعرها الأبيض قالت: "دلوقتي شكلي كده ومن عشر سنين مكنش كده، عايزة أبان زي ما أنا وشكلي لا يقلقني ولا الشعر الأبيض والخطوط اللي تحت العين لأن دي التجربة الحياتية اللي عشتها أهم حاجة نبص في المرايا ونكون مرتاحين، تركي لشعري الأبيض ناتج عن قناعتي وأنا أقف أمام الكاميرا وبعمل أم مصرية عادية جدًا لبنت في الثلاثينات، أكيد شعرها أبيض".

أقرا ايضًا:

"اخرج من دماغي.. ياعم هات كحك وخلاص".. الجمهور يصعد بـ حمو بيكا إلى قمة جوجل (فيديو)

بالفيديو.. مطربة شهيرة توجه نداء استغاثة بعد الاعتداء بالضرب عليها