قام الفنان أحمد زاهر بمشاركة جمهوره بصورته مع المخرج محمد سامي وذلك لدعم ومساندة المخرج محمد سامي بعد إيقافه من قبل الشركة المتحدة للخدمات الإعلامية وإلغاء التعامل معه بسبب عدم إلتزامه بالأسكربت المتفق عليه، وإعطاء زوجته الفنانة مي عمر مساحة أكبر في دورها علي حساب أبطال العمل الحقيقيين مثل السقا وأمير كرارة في مسلسل نسل الأغراب.
حيث كتب زاهر عبر حسابه الرسمي علي مواقع التواصل الإجتماعي فيس بوك: " انا مش ضد قرار المتحده لان اكيد ده له اسباب و في سبيلها للحل باذن الله انا ضد حمله التشويه البشعه لسمعه و شخص محمد سامي اللي بيقوم بيها بعض الزملاء و بعض اللجان الاليكترونية انا ضد تشويه سمعه اي حد مش بس محمد سامي الراجل ده انا اعرفه من ١١ سنه و اشتغلت معاه اكتر من خمس اعمال مشوفتش منه غير كل خير و احترام و تقدير للموهبه و بقولها و هاقولها طول عمري محمد سامي هو اللي غير حياتي بعد اراده ربنا سبحانه و تعالي ولن انسي له هذا الفضل هو اللي خلاني اخس ١٠٠ كيلو عشان تمسك بيا في مسلسل حكايه حياه و ده الدور اللي غير حياتي و تتوالي بعده كم نجاحات و كلها معاه و اخرها #فتحي في #البرنس و دي كانت نقطه تحول تانيه في حياتي .... تفتكروا اللي شفت منه كل الخير و الاحترام و التقدير و الموهبه و النجاح ده كله مكنش جنبه و ادعمه انا مفيش في ايدي حاجه اعملها غير اني اقول شهاده حق يعلمها الله سبحانه و تعالي وعاوز بس افكركوا ان محمد سامي هو نفس المخرج اللي سقفتوا له كل السنين اللي فاتت
وأختتم كلامه بهاشتاج قائلاً
#ادعم_المخرج_محمد_سامي
الجدير بالذكر أن مسلسل "البرنس" بطولة محمد رمضان ونور وأحمد زاهر ورحاب الجمل وسلوى عثمان وإدوارد ومحمد علاء وغيرهم من النجوم، وعرض في السباق الرمضاني 2020.
تابعوا أخبار بلدنا اليوم على Google News
