قال الرئيس عبدالفتاح السيسي، خلال جولته التفقدية اليوم: أنا متابع أي شكوى، زي الشكاوى الواردة عن الطريق الساحلي، المفروض الطريق ده يخلص 30 /7 أو نص شهر 8، هو لسه مخلصش، لأن لما الطريق ينتهي بينتهي كل الشغل الفني اللي عليه، ثم بيتعمل الإرشاد اللازم، ثم بتتحط عليه عناصر الشرطة لضبطه.
وأضاف الرئيس، بقي معقول طريق كان حارتين هيتقارن بطريق عرضه 6 أو 8 حارات، وأنا مستغرب جدًا إن القائمين على الطريق، مش قادرين يوصلوا إن الطريق لسه مخلصش، هو إحنا هنعمل الطريق على قواعد المرو ولا على أسلوب الناس في الحركة، لا طبعًا هنعملوا على قواعد المرور، أنتوا لازم تنتبهوا أن كل لما الشغل يتعمل في ناس دورها تشكك في اللي اتعمل وتسيء إليه بعد كل التكلفة دي، لا يا جماعة دي ناس بتحاول تحط تراب على شغلكم، مش الهيئة الهندسية ولا وزارة النقل، لا دول بيشككوا في مصر، الداخلية هتبقى موجودة والطريق هيتعمل طبقًا لمعيار الجودة العالمية يبقى إذًا إحنا نستخدمه طبقًا للقواعد دي.
تابعوا أخبار بلدنا اليوم على Google News
