صرح أحمد حسام ميدو، نجم الكرة الزمالك السابق، على عدم تأهل المنتخب الوطني إلى بطولة كأس العالم قطر 2022، وذلك قبل ساعات من انطلاق افتتاحية المباراة الأولى في كأس العالم.
وكتب ميدو عبر صفحته الرسمية على موقع تويتر:" ما زلت مقتنع إن كيروش هو السبب الرئيسي في عدم صعودنا لكاس العالم، ماتش القاهرة بتاع السنغال لو ماسكنا مدرب عنده قلب، كنا كسبنا مستريحين، للأسف خاف ياخد أي مخاطرة في الشوط التاني، أحلى حاجة اتقالت إنه مدرب عظيم، بيهتم بالتفاصيل الصغيرة، ده حتى بيهتم بطول النجيلة".
وأضاف:" من ضمن الدروس المستفادة من عدم تأهلنا لكأس العالم، أن ماينفعش المدرج يبقى 80% منه المدامات والبهاوات وعيالهم في ماتش مصيري، لازم جمهور الكورة الحقيقي بتاع الدرجة التالته يبقى مالي الملعب.. الجمهور اللي طول عمره بيحرك الصخر".
وأختتم ميدو حديثه قائلا:" كرة القدم لعبة البسطاء لازم 60% من الملعب جمهور الدرجة التالتة، التذكرة بـ 40 جنيه بالكتير، و30% الدرجة التانية و10% الدرجة الأولى، والمقصورة الأمامية والمقصورة الرئيسية، غير كده أقلبوها كروكية ونلعب الماتشات في نادي الجزيرة الساعة 11 الصبح".
تابعوا أخبار بلدنا اليوم على Google News
