زعلانة من تامر حسني.. أبرز تصريحات شذى مع الإعلامي سعيد جميل

حلت الفنانة شذى، مساء أمس الأربعاءن ضيفة في برنامج "أنا سعيد" الذي يقدمه الإعلامي سعيد جميل، على قناة القاهرة والناس.

نرشح لك: يناير المقبل.. موعد عرض مسلسل "جروب العيلة"

ويبرز لك "بلدنا اليوم" أبرز تصريحات شذى، خلال الحلقة.

- سيرة تامر حسني بتقلبلي مزاجي، مش عشان أنا مبحبوش لأ أنا بحبه جدًا وإحنا عشرة سنين، ولكن تامر من وقت وفاة أبويا وأمي مظهرش، ولو ظهر بيظهر كضيف شرف، ومش بتكلم على الشغل أنا بتكلم على الإنسانية، أنا مليش حد هنا ومعنديش إخوات وكل عيلتي برا مصر.

- على المستوى الشخصي والمهني تامر ضيف شرف في حياتي، خاصة إني بتعرض لأزمات كتير في السوق وتغير الذوق، ولكن تامر في إيده إنه يصلحلي حاجات كتير وأنا أستاهل ده لأن الصحاب لازم يكونوا ضهر لبعض، خصوصًا لو أنت كنت كويس معاه قبل كده، عشان كده بزعل لما بتيجي سيرة تامر، لأني مكنتش مستنية منه حاجة كنت مستنية يسأل عليا.

- رامي صبري مباركليش على أغنيتي الجديدة مع إنه كان حاضر معايا المشاكل اللي حصلت، ولكن ممكن يكون اتشغل، وتامر عاشور مباركليش، مع إنهم أصحابي على طول على تواصل وبباركلهم، وأنا مبزعلش من رامي لأنه طيب وكان في ضهري وبيديني نصايح.

- حسن شاكوش مستفز، أنت طالع على ناس مينفش تقول أي كلام ومينفعش تقول كلام غلط، ومينفعش تقول إن حماقي سارق الأغنية، لأ حماقي واخد الحقوق بتاعة الأغنية وده بيحصل ومتعارف عليه، فاتضايقت جدًا لأن حماقي فنان تقيل ومهم وبنتشرف بيه كمصريين، فعيب اللي أتقال.

- عمري ما مريت بعلاقة عادية، وبتكون ناس كويسة لكن مش عارفة المشكلة فين، إحنا في الأول بنمشي كويس وبعدين نزعل من كل حاجة كنا مبسوطين بيها.

- بني آدم كويس وطيب ومحترم، لكن عنده كذا تجربة ماكنتش كويسة، وأنا ما عنديش مشكلة أقف جمبه، ومش عندي ثقافة نزعل كتير بحس إن عمرنا أغلى من أننا نضيعه بدل الزعل.

- علاقات التوكسيك والنرجسيين زادت اليومين، لأن كل واحد عاوز يرتاح ومش بيدور على راحة التاني، لكن لو فكرنا أن العلاقة بين الاتنين هنرتاح، لكن الراجل عاوز مواصفات معينة والبنت عاوزة مواصفات معينة.

- جيلنا غير جيل أهالينا لكن الراجل بيدور على واحدة شببه مماته، وده ظلم لوالدته وللشخصية اللي هيرتبط ببها، والبنت بتدور على واحد شبه باباها، لكن الجيل الحالي حياته مختلفة.

- بحكم ظروفي لأن والدي متوفيين وأنا بنت وحيدة طول عمري، لذلك أنا سيدة قراري، وعندي المساحة اختار انا عاوزة إيه ومش عاوزة ايه وعندي مساحة اتحمل مسؤولية اختياري، وعندي خبرة لأني بشتغل وبني آدم مفكر.