وجه المخرج محمد سامي، نصيحة لجمهوره من خلال منشور عبر موقع الصور والفيديوهات “إنستجرام”، يحثهم فيه على التفائل والأمل وذلك بعد النجاح الذي حققه مسلسل "جعفر العمدة".
وكتب محمد سامي، قائلا: “ما تخافش إنك تجرب وتقول لحسن أقع، لأن نصر الله ليك هيقومك تاني ويخليك تلمس السحاب لو أراد، ماتهتمش لو حصلك في يوم أزمة و لقيت ناس بتشمت فيك لأني ده بيخلي ربنا يبقي حليفك وينصرك عشان هو العدل”.
وتابع: “المهم إنه بعد نصره ليك أوعي تتغر وتكون شايل في قلبك كراهية وانتقام تجاه الناس و حتي الناس اللي حاربوك أو شمتوا فيك، بالعكس خلي قلبك مليان محبة وخير، عشان ربنا ينصرك تاني وتالت و دايما”.
أضاف محمد سامي: "الكراهية بتجيب فشل وعدم تيسير ووقف حال ، والمحبة بتجيب نجاح وتيسير وخير ورزق، اللهم اجعل قلوبنا عامرة بالمحبة والخير ونظف قلوبنا من الشر والإنتقام".
واختتم :" يا رب حقق لكل واحد بيحلم حلمه وطموحه ومتخليش حد يعيش في كرب بسبب عدم تحقيقه لما يتمني ، يارب أرزق كل الناس ونجح كل زمايلي وأرزقهم التيسير والقبول".
تابعوا أخبار بلدنا اليوم على Google News
