السر في هالة عمر.. سبب طلاق تامر حسني وبسمة بوسيل

هالة عمر.. تصدر اسم الفنانة هالة عمر، مواقع التواصل الاجتماعي المختلفة، وذلك بعد هجوم بسمة بوسيل على مديرة أعمال طليقها الفنان تامر حسني هالة عمر ليلة زفافها.

هجوم بسمة بوسيل على مديرة أعمال تامر حسني 

وكانت أثارت المغربية بسمة بوسيل حالة من الجدل في الدقائق القليلة الأخيرة بتعليقها على حفل زفاف هالة عمر مسؤولة السوشيال ميديا للمطرب تامر حسني.

وكتبت بسمة بوسيل عبر حسابها الرسمي بموقع تبادل الصور والفيديوهات انستجرام من خلال خاصية “ستوري”: حسبي الله ونعم الوكيل فيكي يا هالة، في إشارة إلى مديرة أعمال تامر حسني.

ثم أوضحت: “احترام العشرة بيبتدي باحترام مشاعر غيرك، خاصة لو سبب في خراب بيتك وهدم حياة أولادك”، وقامت بنشر صورة عبر خاصية القصص المصورة لها وهي في سن أصغر بجانب “بسمة”، وكتبت لها: “بفكرك بحالك”.

تامر حسني يكشف تفاصيل فرح منسقة أعماله 

جاء ذلك بعد أن كشف الفنان تامر حسني تفاصيل فرح هالة عمر، مشرفة السوشيال ميديا الخاصة به.

ونشر تامر عبر صفحته الرسمية على موقع الفيسبوك فيديو من حفل الزفاف، وعلق عليه قائلًا :«لكل اللي بيسأل عن ايه وجه القرابة بيني وبين العروسه الجميله دي شايف أسئلة كتير انا هحكيلكوا هي اسمها هاله عمر عرفتها كانت بنت من الفانز صغيره ومن المقاتلين والمدافعين عن تامر على الانترنت ومن كتر دفاعها عني لفتت نظري ومره رديت عليها شكرتها ولما سافرت اسكندريه في الوقت ده لقيت بنت صغيره اوي بتعيط وبتجري عليا فا وقفتلها وفكرتني بنفسها وفضلت تعيطو تقولي احنا معاك ولازم تكمل عشان كنت بتحارب جدًا في بداياتي».

وتابع: «فاتصدمت أن اللي بتقول كده بنت صغيره كده والمجهود ده كله اللي عاملاه بنت صغيره عندها ١٤ سنه وقتها كانت السوشيال ميديا لسه بتطلع وكنا في شركتنا بندور على شركه كبيره تمسكلي السوشيال ميديا لحد ما قولتلهم أنا مش عايز شركه كبيره انا عايز البنت الصغيرة دي هي اللي تمسكها فضلوا يقنعوني أن كده مش صح ولازم اكتر حد خبره يمسكها وانا قولت لا لازم اكتر حد بيحبني هو اللي يمسكها وانا واثق أن طاقة الحب مفعولها اقوى من طاقة المحترف بلا حب فعرضت عليها تشتغل معايا وهي في السن ده مصدقتش طبعًا».

وأردف: «و من ساعتها وهي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب اديها مني انا عشان والدها ووالدتها توفاهم الله. في سنه واحده رحمهم الله ياريت نفتكرهم ونهديلهم ثواب الدعاء والفاتحه ومن اللحظه دي اتحولت هاله لبنتي الكبيره بجد اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش ارد على كلامك عني في الفرح يا هاله رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع اولادكم الجُمال بإذن الله». 

تامر حسني وبسمة بوسيل

تامر حسني وزوجته بسمة بوسيل