النور جه.. دنيا سمير غانم تطرح أغنيتها على يوتيوب من فيلم روكي الغلابة
طرحت الفنانة دنيا سمير غانم أغنيتها الجديدة "النور جه" على قناتها الرسمية بموقع يوتيوب وذلك ضمن أحداث فيلمها "روكي الغلابة" الذي يعرض حاليًا في دور العرض السينمائي.
أغنية "النور جه" من ألحان أحمد طارق يحيي وكلمات أيمن بهجت قمر و وتوزيع أحمد طارق يحيي وإسماعيل نصرت.
وتقول كلمات الأغنية كالآتي..
البنت تتكحّل وتحلو، لحبيب عينها
والله يعينها، دي عينها عليه، ما بتعينها
لما الولا يقرب، تقد له إيديها شمع
يبعد؟ تقولش دي كهربا، وقاطعينها
النور جه... يا أما، النور جه
سبتني، ما قلتش ولا ها
النور جه ياما، النور جه،
سبتني، ما قلتش ولا ها
من تقله يخاف ما يقول ياما
يكونش ده اللي ما يتسمّا
أنا جيت برجليّ النواحيدي
يا كسفتتي أنا من الواد ده
من تقله بخاف ما يقول يا أما
يكونش ده اللي ما يتسمّا
أنا جيت برجليّ النواحيدي
يا كسفتتي أنا من الواد ده يا أما
النور جه، ياما النور جه،
سبتني، ما قلتش ولا ها
قولوا لأهلي ولقرايبي
أنا خدت من الحظ ده نايبي
وداري داره، وداره داري
وأبوه وأمه بقوا نسايبي
من تقله يخاف ما يقول ياما
يكونش ده اللي ما يتسمّا
أنا جيت برجليّ النواحيدي
يا كسفتتي أنا من الواد ده
النور جه... يا أما، النور جه
سبتني، ما قلتش ولا ها
النور جه ياما، النور جه
سبتني، ما قلتش ولا ها
جدير بالذكر أن "روكي الغلابة" تأليف كريم يوسف وإخراج أحمد الجندي وإنتاج محمد أحمد السبكي وبطولة دنيا سمير غانم ومحمد ممدوح محمد ثروت بيومي فؤاد محمد رضوان أحمد سعد والذي سيظهر كضيف شرف ضمن الأحداث.