خاص| المخرج خالد مهران عن فيلم "موسكو كايرو": المصريين علموا الروس الضحك وسط التعب
قال المخرج خالد مهران إنه بمجرد قراءة سيناريو فيلم "موسكو كايرو" شعر أنه أمام عمل مختلف ليس مجرد قصة تقليدية.
وأضاف خالد مهران في تصريح خاص لـ"بلدنا اليوم" أن فكرة فيلم موسكو كايرو جريئة لأنها مبنية على رواية حقيقية لكاتبة روسية عاشت جزء من حياتها في مصر وهو ما حفزه لتحويل هذه الحكاية إلى فيلم سينمائي.
وتابع: فيلم "موسكو كايرو" يحكي عن أربع فتيات روسيات قررن يسيبن بلدهم بعد انهيار الاتحاد السوفيتي في أوائل التسعينات وبيسافروا لمصر بحث عن الأمان والاستقرار والعمل وبيلاقوا بلد جديد فيه التحديات بس كمان فيه دفء ومساندة من ناس بسيطة.
وأكمل: القصة بتمشي بين موسكو والقاهرة وبين الغربة والانتماء وبين الخوف من الماضي وأمل المستقبل، كل واحدة منهم بتخوض رحلة داخلية وبتكتشف نفسها من جديد على أرض غريبة بس بتتحول مع الوقت لأرضها التانية
أوضح أن الصعوبات كانت كثيرة أولها إننا بنصور بين بلدين ليهم قوانين وثقافات إنتاج مختلفة كان لازم نوفق بين الفرق الروسية والمصرية من حيث أسلوب الشغل والمواعيد وطريقة التفكير كمان التصوير في روسيا خاصة في الشتاء كان تحدي مرعب لأن درجات الحرارة بتوصل لأرقام لن نتخيلها.
وأختتم أن الاختلاف كان في البداية مربك شوية لأن الروس مثل بيشتغلوا بأسلوب صارم كل حاجة محسوبة بالدقيقة بينما المصريين عندهم مرونة أكتر لكن مع الوقت حصل توازن جميل كل طرف اتعلم من التاني إحنا علمناهم نضحك وسط التعب وهما علمونا نركز في التفاصيل الصغيرة اللي بتفرق في النهاية ده خلق بيئة شغل صحية وفيها احترام متبادل.