بين حنان الأم وخبرة الفنانة... آخر كلمات سمية الألفي لابنها أحمد الفيشاوي

" شكرًاعلى حنانك وكتر خيرك يا أحمد… باي باي"لم تكن الفنانة الراحلة سمية الألفي تعلم أن هذه الكلمات البسيطة ستكون رسالتها الأخيرة إلى نجلها الفنان أحمد الفيشاوي، والتي أرسلتها له في رسالة صوتية خلال استعداده لتصوير فيلمه الجديد.
ورحلت الفنانة سمية الألفي عن عالمنا أمس عن عمر ناهز 72 عامًا، بعد مشوار فني حافل قدمت خلاله العديد من الأعمال البارزة في السينما والدراما، من بينها لا، ليالي الحلمية، و رحلة المليون، تاركة بصمة فنية وإنسانية لا تنسى .

وكانت سمية الألفي قد وجّهت رسالتها الصوتية الأخيرة إلى ابنها أحمد، حاملة كلمات دعاء وحنان أمومي صادق، لتتحول تلك الرسالة إلى وداع مؤثر هزّ مشاعر جمهورها ومحبيها.
وقالت الفنانة الراحلة في الرسالة الصوتية: "حبيبي يا أحمد ربنا يريح قلبك، ويسعدك زي مابتسعدني، ويريح قلبك زي مابتريح قلبي، حبيبي يا أحمد ربنا يكرمك يارب ويزيدك وينجيك كمان وكمان، الفيلم ده هيكسر الدنيا يا واد وهتقول ماما قالت"

 هيعمل نقطة تحول، أنت مختلف في الفيلم ده

وأردفت  : "وإن شاء الله هيعمل نقطة حلوة في حياتك، هيعمل نقطة تحول، أنت مختلف في الفيلم ده يا أحمد مختلف تماما، وعايش بجد الشخصية وبقالي كتير مشوفتكش عايش شخصية كده عارف من أيام 45 يوم، من الفيلم مشوفتكش عامل كده غير في سفاح التجمع ده من حظ محمد عزب ده.. أمه دعياله زي ما أنا بدعيلك"

 كبرت يا أحمد وشكلي كبرت أوي بقالي كتير مخرجتش

واختتمت الفنانة الراحلة رسالتها: "بحبك ياحبيبي، بس كبرت يا أحمد وشكلي كبرت أوي بقالي كتير مخرجتش، بس مش مهم يا أحمد المهم أنت جميل يا أحمد وبتشتغل مع مخرج جميل، وشكلك هتعمل كارثة بالفيلم ده، وعندي إحساس غريب أنك هتكسر الدنيا بالفيلم، وشكرا على استقبالك استقبالك كان جميل أوي أوي، شكرًا على حنانك، وكتر خيرك يا أحمد.. باي باي".