«بطلوا عياط وسيبونا نشتغل».. محمد إمام يثير الجدل برسالة ساخرة عن الأعلى أجرًا

وجه الفنان محمد إمام رسالة لعدد من الفنانين حول الجدل المثار مؤخرًا بشأن الأعلى مشاهدة والأجور.

وكتب محمد إمام عبر حسابه الرسمي على موقع التواصل الاجتماعي فيسبوك: «خلاص يا جماعة بطلوا عياط ماحصلش حاجة كلكم أعلى أجور وأعلى مشاهدة وأعلى كل حاجة سيبونا نشتغل في هدوء بقى الله يكرمكم علشان مفيش وقت».

وفي سياق آخر يترقب الجمهور عرض مسلسل الكينج خلال الموسم الرمضاني المقبل والذي يشارك في بطولته كل من محمد إمام، حنان مطاوع، عمرو عبد الجليل، ميرنا جميل، سامي مغاوري، وحجاج عبد العظيم، وهو من تأليف محمد صلاح العزب، وإخراج شيرين عادل.

من جانبه نفى محمد إمام أن يكون حديثه موجهًا إلى شخص بعينه كاتبًا: «مش عارف ليه في ناس فهمت إن أنا نزلت بوست لشخص محدد الكلام كان عام للجميع وخلينا نتكلم جد شوية أنا عمري ما حطيت حد في دماغي ولا هحط وده اللي اتعلمته من أبويا ربنا يخليه لينا».

وأضاف: «كوني ابن أكبر نجم في التاريخ ووصولي للي أنا فيه دلوقتي ماكانش سهل أبدًا، وده بفضل ربنا أولًا ثم حبكم ودعمكم».

واختتم: «أنا فيا اللي مكفيني وبجد بتمنى الخير للجميع المنافسة بتخلينا نطلع أحسن ما فينا وده كله في صالح الجمهور العظيم  بشكر كل اللي بيحبني  وأنا بحبكم أكتر بكتير  وانتوا أهم حاجة في حياتي».