ناقصك ايه.. مدحت صالح يطرح أحدث أغانيه رفقه نجله أدهم (فيديو)
طرح الفنان مدحت صالح أحدث أعماله الغنائية بعنوان "ناقصك إيه؟" بمشاركة نجله أدهم مدحت صالح في تعاون فني يجمعهما لأول مرة.
وجاءت الأغنية من كلمات إبراهيم شتا، وألحان أحمد يوسف، بينما تولى التوزيع والميكس والماستر محمد شفيق لتقدم قالب غنائي جديد يجمع بين صوت الأب وابنه في ديو مميز.
وتقول كلمات الأغنية: "قولي ناقصك إيه
وشوف بإيه تحلم أجيبه أنا ليك
مايغلاش عمري كله عليك
خد النفس اللي فيا كمان
لسه في الخيال بعيش
ما هو اللي أنا فيه ده حلم خلاص
مافيش واقع في زيك ناس
يطمنوا روحنا يدوا أمان
ولا ليك حبيبي يمين عليا
أنا هبقى قد المسؤولية
وأي حاجة وحشه فيا
أوام هتروح
دي الدنيا قبل تهت فيها
وعمري يوم ما آمنت ليها
ولما جيت لي بقت أديها
حياة فيها روح
نفسي أعيش معاك سنين
وأكون جنبك في أي ظروف
تيجي في حضني وتنسى الخوف
ده من حقك تعيش في أمان
ضحكة من عينيك بشوف
أمل في اللي جاي مابيسيبنيش
خلاص غيرك حبيبي ماليش
ده أنا في قلبك أخدت مكان"
وتعد "ناقصك إيه؟" خطوة جديدة في مشوار مدحت صالح الفني حيث لاقت مشاركة نجله اهتمامًا من الجمهور منذ الإعلان عنها.