معدن المصري الأصيل.. اللواء رأفت الشرقاوي يوجه رسالة هامة

وجه اللواء رأفت الشرقاوي مساعد وزير الداخلية الأسبق رسالة هامة للعالم قائلًا:  نجح أهالي مركز الجمالية محافظة الدقهلية في إبعاد سيارة نقل تعطلت فجأة فوق شريط السكة الحديد ، ومنع كارثة محققة قبل وصول القطار، بعد أن توفي سائق السيارة فجأة وهو خلف عجلة القيادة. 
☐ تفاصيل الواقعة: تعرض سائق سيارة نقل لأزمة صحية مفاجئة أدت إلى وفاته على الفور داخل كابينة القيادة أثناء عبوره شريط السكة الحديد، مما أدى إلى توقف

السيارة تماماً فوق القضبان. 
☐ تدخل الأهالي: انتبه أهالي المنطقة لتوقف السيارة بشكل خطر على القضبان وعدم تحرك السائق، ليتفاجأوا بوفاته. وتجمع الأهالي على الفور وتعاونوا معاً لإزاحة ودفع السيارة الثقيلة بعيداً عن مسار القطار في الوقت المناسب قبل وصوله ، وتم  نُقل جثمان السائق المتوفى إلى المستشفى، فيما حالت شجاعة الأهالي وسرعة تصرفهم دون وقوع حادث اصطدام

كارثي للقطار بالسيارة.
☐ هما ازاي المصريين بيعملوا كده بجد .. اللي حصل في الدقهلية بيخليك تفهم سر الأجداد لما بنوا الأهرامات وجروا الحجارة العاتية دي كلها من غير آلات حديثة.
☐ سواق تريلا بطل اسمه "رأفت فريد حجازي" كان بيعدي المزلقان وفجأة العربية عطلت منه، وللأسف جاله أزمة قلبية مفاجئة وتوفى وهو جوة الكابينة.
☐ الوضع بقا مرعب.. تريلا محملة

أطنان واقفة سادة الشريط، والقطار جاي في طريقه بسرعته، ولو خبط فيها كانت هتبقى فاجعة ملهاش أول من آخر.
☐ في اللحظة دي بالذات، ومن غير ما حد ينظمهم أو يوجههم، أهل النخوة والشهامة في الدقهلية نزلوا من عربياتهم وبيوتهم وبقوا إيد واحدة.
☐ فجأة هتكتشف إن الجينات والذاكرة العضلية بتاعت الفراعنة صحيت في دمهم؛ على نغمة واحدة وصوت واثق بيزقوا مع بعض بكل

قوتهم، كأنهم بيحركوا مسلة فرعونية جاية من محاجر أسوان. وبسرعة قياسية وبالمجهود الذاتي الصافي، قدروا يزقوا التريلا الضخمة بعيد عن السكة، والقطار عدى بسلام والكارثة اتمنعت بفضل ربنا ثم جدعنتهم.
☐ مشاهد الشجاعة الخارقة دي هوليوود بتصرف عليها ملايين عشان تمثلها بسكربتات ومؤثرات، لكن شبابنا وبتوع الدقهلية عملوها في الحقيقة ومن غير أي شو. هي

دي مصر الحقيقية اللي بنفخر بيها وبأهلها، دول الرجالة الـ.ـعـ.ـتـ.ـرَُة الأبطال اللي يسندوا بلد كاملة وقت الشدة والمواقف الصعبة، وألف رحمة ونور على الشهيد السواق رأفت حجازي.
☐ حفظ الله مصر وشعبها وقائدها وجيشها ورجال امنها وكافة المخلصين من ابناء هذا الوطن وجنبها شر الفتن والاحقاد والشائعات والضغائن والحروب ، اللهم إنى استودعك مصر وأهلها

أمنها وأمانها ، ليلها ونهارها ، أرضها وسمائها ، فاحفظها ربى يا من لا تضيع عنده الودائع .