برلماني يهاجم المحليات: «هنراقب ناس مش عارفة حاجة!»

انتقد النائب محمد الحسينى، وكيل لجنة الإدارة المحلية بمجلس النواب، أداء بعض الأجهزة التنفيذية فى الوحدات المحلية، وشن هجومًا كبيرًا ضد مديريات الطرق ووصفها بـ «الفاشلة».تابع الحسينى، خلال اجتماع لجنة الإدارة المحلية بمجلس النواب، «عايزين نعرف مدينة الجيزة إيه المشروعات اللى عملتها، ومديرية الطرق الفاشلة فى 27 محافظة اللى محدش يعرف عنها حاجة ميزانيتها إيه، ومديرية الطرق فى الجيزة مشروعاتها إيه، كما أن مشاكل الكهرباء والصرف والمياه والطرق وغيرها، كلها بتروح للنائب، ولازم الأجهزة التنفيذية تشتغل وتتفاعل مع مشاكل الناس، وترسل خطابات لمجلس النواب عن إجراءات حل هذه المشاكل، لازم نفلتر ونراقب صح، لأن بالشكل دا مفيش مراقبة، هنراقب ناس مش عارفة حاجة ولا أي أرقام».وأشار وكيل لجنة الإدارة المحلية بمجلس النواب، إلى أن تعويضات العاملين في بند الجهود غير العادية زادت مليون جنيه، متابعًا: «طيب أنت عندك جهود أصلًا؟ ازاى تزود مليون جنيه من قوت الشعب، وإيه هي الجهود غير العادية، بيطلع يشتغل في الشمس يعني؟ عايزين نمنع الأرقام الوهمية دي، وبقول للناس اعرفوا إن المسؤول اللي جزمته متلمعة ما تاخدش منه رجا، أنا هنحاسبك على أداء وبرامج، بعض المسؤولين مش بيعملوا حاجة.. وديتونا في ستين داهية والمواطن مش لاقي حاجة».