السيسي يوجه وزير التعليم العالي بسرعة إرساء نظام لتقييم الطلاب

وجه الرئيس عبدالفتاح السيسي، الشكر والتحية لكل الحاضرين في جلسة "كيف نبني قادة المستقبل" ضمن فعاليات اليوم الثالث لمنتدى شباب العالم بمدينة شرم الشيخ، وعلى حديثهم ومداخلاتهم التي وصفها بأنها "أكثر من رائعة وثمينة جدًا".

وأضاف السيسي: "كنا محتاجين نقدم للناس تطوير التعليم ونبذل جهدًا لإقناع الناس بالمسار اللي إحنا ماشيين فيه، وإحنا بنتلكم مع دكتور خالد عبدالغفار وزير التعليم العالي من 20 يوم أو شهر، وبقوله هتعملوا إيه في التشريعات المطلوبة علشان يبقى فيه نظام التقييم المعمول بيه، ويحقق الهدف المطلوب منه".

وتابع السيسي: "مهم أوي اللي بيتابعونا يعرفوا إنه المسار بياخد وقت، والحكومة مش متأخرة، هناك قوانين بتحكم الدولة، وكنا بنتكلم على إننا عاوزين نعمل المسطرة في كل التعليم بتاعنا في قياس وتقييم مواطنينا، بعيدا عن تدخل العامل البشري، قالي هنقدر نعمل ده كمان 7 سنين قولتله يعني أنت عاوز تأخرني 7 سنين.. ليه يادكتور؟".

وأكمل رئيس الجمهورية "مش هقول تفاصيل أكتر من كدا.. بس هو قالي الطلاب اللي دخلوا دلوقتي الكليات دخلوا على معاير تقيمية معينة ولو غيرنا هنظلمهم.. قولتله لأ مش هستحمل كدا.. اديني الدفعات الموجودة دلوقت بالشكل المستهدف اللي إحنا عاوزينه وقولتله نراجع نفسنا والآخرين ونطلع بالإجراء السنة دي علشان نبتدي فيه".