بعد خلع الحجاب.. صابرين: ربنا مش هيحاسبنا عشان حتة طرحة

أجهشت الفنانة صابرين، في البكاء على الهواء، بسبب الضجة التي تعرضت لها بعد خلعها للحجاب، مشيرة إلى أنها خلعت "التربون"، وليس الحجاب، معقبة: "أنا من يوم ما لبست الباروكة قلعت الحجاب.. أنا قلت أني محتشمة".

وأضافت في مداخلة هاتفية ببرنامج "الحكاية"، تقديم الإعلامي عمرو أديب، المذاع على فضائية "إم بى سى مصر"، أنها جاهدت مع نفسها وقتا طويلا، وكنت أسأل نفسي: "أنا صح ولا غلط.. لكن السوشيال ميديا تعبتني نفسيًا، وأنا طول عمرى بعمل أدوارًا محترمة، وربيت ولادى تربية محترمة".

وتساءلت: "إيه اللي عملته غلط عشان كل شوية أتشتم، الناس عمالة تكتب شتايم، كان في حرب عليا.. ما ذنب أولادى.. ارتداء الحجاب أو خلعه أمر بينى وبين ربنا.. ربنا مش هيحاسبنا عشان حتة طرحة.. ربنا رحمن رحيم، سيبوني في حالي بقى.. لما أنزل القبر ربنا اللى هيحاسبني".