"بفتي".. فريدة سيف النصر تكشف علاج فيروس كورونا

شاركت الفنانة سيف النصر جمهورها منذ قليل، بعلاج بفيروس كورونا، وذلك من خلال حسابها الشخصي بموقع التواصل الإجتماعي "فيس بوك".

وقالت سيف النصر :"قال كورونا قال..كله بيفتي قولت افتي أنا كمان بس فتيت بعد ماقريت كتير والله خشوا على الطب النبوي صلى عليه وسلم وحبيبنا ربنا مش بيخليه ياكل أي حاجه كده وخلاص.1- طيب ولا أجدع ميكروب فيرس جرثومه أي نوع يعيش في الخل..وكان سيدنا النبي بيحبه خير إدام له.

2 -والليمون.،سماه بونابرت بنزهير يعني قاتل الميكروبات لما انقذ جيشه من الوباء وبعت زرعه بره طلع مجعلص كده جميل بس مش زي بتاع ارضنا ولاقوته.

3- البصل والثوم مطهرين للأمعاء والدم وفيهم زيوت طياره تخنق أي كائن حي .حتي كلوهم صاحيين وافتحوا بوءكم في وش اللي مزهقكم هايغمن عليه..وماتنسوش ربنا بنفسه قال اهبطوا مصر كلوا من فومها وعدسها وبصلها وثومها البلدي هه وغيره من خيرات الارض دي غيرنا مابياكلهاش بطريقتنا.

4 -الفلفل الاخضر قرنقوطي الحررااااق يبهدلك ويبهدل اي حاجه تعدي من أول شفايفك لحد لامؤاخذه مايخرج الاعداء المهاجمين جثث.

5-اقوللكم قوموا اتوكلوا علي الله اضرب لك طبق فول بالثوم صاحي موصي عليه ربنا..وطبق سلاطه بلدي خل وليمون وبصل وفلفل والخضره اللي تعجبك.

وتوكل علي الله اقعد لوحدك علشان صحابك مايطفشوش أو خلليهم ياكلوا زيك وانتي آكلي جوزك زيك بدل ماتتطلقي ياضنايا، وبكره تعرفوا قيمة الفتي بتاعي لما يكتشفوا إختراعي ايه الكذب ده يافرفر دي أكله من التراث من قبل جدودك..اللهم اني بلغت..تم.

وظهرت مؤخرا الفنانة فريدة سيف النصر فى أحداث مسلسل "حواديت الشانزليزيه" التى تم طرحه وحقق نجاحا كبيرا، بدور كفيفة ومن السكان الرئيسيين فى البنسيون الذى تدور فيه أغلب أحداث المسلسل، وعلى دراية وعلم كاف بالشخص الذى قام بقتل بطل العمل إياد نصار وهى الشخصية الأولى التى يظهر بها نصار الرجل الذى من عائلة الباشوات ومتزوج من داليا مصطفى، ويُقتل فى الحلقات الأولى، قبل ظهور الشخصية الثانية حيث يعمل مديرا فى البنسيون.

مسلسل حواديت شانزليزية، بطولة إياد نصار، مى سليم، داليا مصطفى، انجى المقدم، ادوارد، عايدة رياض، أمانى كمال، سارة عادل، هاجر الشرنوبى، منة جلال، جينا سليم وتأليف أيمن سليم ونهى سعيد وإخراج مرقس عادل.

وتدور أحداث "حواديت الشانزليزيه"، فى فترة الخمسينيات والحياة الاجتماعية من خلال العديد من الحواديت المتشابكة والمتداخلة مع تناولها بشكل مشوق، والمسلسل ينتمى لنوعية المسلسلات الـ45 حلقة.