محمد هنيدي يكشف 7 أسباب لمشاهدة فيلم "الإنس والنمس"

كشف الفنان محمد هنيدي عن سبع أسباب تجعلك تشاهد فيلم "الإنس والنمس".

نشر محمد هنيدي صورة لبوستر فيلمه الإنس والنمس عبر موقع التواصل الاجتماعي "فيسبوك" وعلق كاتبًا :"سبع أسباب تخليك تشوف فيلم الإنس والنمس"

- لو نجحت وجبت مجموع فتكون فرصة تحتفل

- لو سقطت او مجبتش مجموع فتكون فرصة تخفف عن نفسك

- لو عندك مدير مزهقك او شغل تعبك ففي دراسة بلجيكية حديثة اثبتت ان الفرجة على أفلام هنيدي بتحسن المزاج وبتخليك تفكر احسن ازاي تطفش المدير

- لو جعان ففيه فشار في السينما ممكن يشبعك ومن غير سعرات حرارية تتخنك ولو عايز تتخن اضرب معاه بيبسي .. ولو عايز تخس بس بتحب البيبسي .. عندهم برده بيبسي دايت

- ان الناس بتشكر في الفيلم وفرصة تشوفه في السينما عشان ماتحسش انك غريب ومضطهد في المجتمع

- ان الفيلم صفعة على وجه هوليوود وبوليوود والصين اننا قادمون وهنعمل أفلام تمحو تاريخكم وماضيكم ومستقبلكم وحاضركم والمضارع والمضاف اليه

- ان الفيلم هيديك طاقة روحية هتوصلك لمكنون جوهرك وذاتك اللي بتبحث عنها من أيام ما كنت جنين

- ان الحياة مابتقفش على حد .. فلو سينجل او ماعندكش صحاب .. ممكن تروح تشوفه عادي وتنبسط