مصطفى درويش: الأزهر قال كلمته ونصر الحق.. وياريت نقفل موضوع إبراهيم عيسى

كشف الفنان مصطفى درويش، عن رد الأزهر على إنكار الإعلامي إبراهيم عيسى للمعراج والذي جاء فيه أن الإسراء والمعراج هي مسلمات لا تقبل النقاش ومعجزة بنص القرآن، عبر حسابه الشخصي"فيسبوك".

وعلق قائلًا: "الأزهر قال كلمته ونصر الحق ممكن مسمعش صوت معارض لو سمحتم لأن احنا مرجعيتنا للأزهر وأنا ولا شيخ ولا حاجة أنا لسه باديء انتظم في الصلاة من قريب وكان بعد مشكله حصلتلي فقربت من ربنا واعتذاري عن الفيلم جيلي في أصعب ظروف محدش عارف عنها حاجه".

وأوضح: "محتاج ماديات فعلا ومحتاج شغل لأني لسه في أول الطريق فأكيد اعتذاري عنه كان علي عيني بس ديني أهم وأنا لا غلط في الأستاذ إبراهيم ولا غلط في حد أنا بس أخدت قرار أدافع عن الصلاة اللي بصليها والإسلام اللي هو ديني ودين أمتي".

وأردف "ولو كان الأستاذ غلط في أي ديانة مسيحية أو غيرها كان هيبقي نفس موقفي أنا مسلم مؤمن بكل الرسل والديانات السماوية ومقبلش حد يشكك في الكتب السماوية واسكت، نقفل الموضوع ده علشان اخد اكبر من حجمه".

من ناحية أخرى، أصدر المجلس الأعلى لتنظيم الإعلام منذ قليل بيانا عبر صفحتهم الرسمية على فيسبوك، بشأن تصريحات الإعلامي إبراهيم عيسى الأخيرة.