مرتضى منصور: زوجة موسيماني عرضت خدمات المدير الفني على الزمالك ورفضنا لهذا السبب

كشف المستشار مرتضى منصور، خلال المؤتمر، عن قيام زوجة الجنوب الافريقي" بيتسو موسيماني" مدرب النادي الأهلي قائلا:"اقسم بالله العظيم أن زوجته كانت بتتفوض مع أمير الشهر اللي فات أقسم بالله العظيم وقولت لامير اوعى انا مش بتعامل مع الخطيب انا بتعامل مع جماهير الاهلي المحترمه لا موسيمانى ولا الجن اللى مع موسيمانى وخذلوا امبارح اسف ممنوع".

وتساءل مرتضى منصور، "لماذا لا يضم النصر السعودى محمد الشناوى من الأهلي، وليه متخدش ابن شوبير ده جون عملاق".

وأكد المستشار مرتضى منصور، رئيس نادى الزمالك، أنه لن يجدد لأى لاعب عقده ينتهى مع نادى الزمالك بنهاية الموسم الجارى، وقال مرتضى منصور على هامش كلمته بالمؤتمر الصحفي المقام حالياً بمقر القلعة البيضاء، "كل اللاعيبة اللي عقودها هيخلص مش هجددلهم، وهذا القرار كان قبل مباراة الوداد لكن لو كنت أعلنت عنه قبل اللقاء كنت سأتعرض لهجوم".

وأضاف رئيس الزمالك، "أعتذر لكل جماهير الزمالك المحترمة وببوس دماغ كل واحد فيهم بسبب المستوى والتطاول من بعض اللاعبين اللى جمهور الزمالك هو اللى صنعهم، ولا أحد سيفلت من العقاب".

وتابع مرتضى، "تسلمنا 3 فرق وليس فريقا واحدا، ولن أتراجع في أى قرار اتخذته، مش هجدد لطارق حامد ولا عايزين بشرقي ولا هجدد لأبو جبل ولا أوناجم، وهنعملهم حفل تكريم".