برلمانية تهاجم مقدمة برنامج القصة وما فيها.. أعرف السبب

قال النائبة ميرفت عبدالعظيم عضو لجنة الصحة بمجلس النواب، تعليقا على إحدى حلقات برنامج القصة وما فيها الذى تقدمه ريهام عياد: الست دي بتقول إن برنامجها هدفه تعريف الأجيال الجديدة بالتاريخ الحقيقي، مضيفة: الست دي بتألف وبتقول حاجات محصلتش، وفي الحلقة دي عن الأفلام اللي اتمنعت من العرض، ما فيش فيلم منهم اتمنع من العرض، كل الأفلام اللي ذكرتها نزلوا السينما.

وكتبت النائبة ميرفت عبدالعظيم، علي صفحتها الرسمية على موقع التواصل الاجتماعي، تحت ىعنوان "السوشيال ميديا وتزوير التاريخ": الفيلمين الوحيدين اللي اتمعنوا من العرض بشكل فعلي هو الزمار بتاع عاطف الطيب وزائر الفجر بتاع ممدوح شكري، أما الباقيين كلهم نزلوا في السينما، ما عدا درب الهوى وخمسة باب ودول صحيح وزير الثقافة اللي منعهم.

وأضافت ميرفت عبدالعظيم: بعدين بتقول إن إحنا بتوع الأتوبيس عبد الناصر منعه، في حين إن إحنا بتوع الأتوبيس معمول سنة ١٩٧٩ في عهد السادات كان عبد الناصر وقتها في القبر.

وقالت عضو لجنة الصحة بمجلس النواب: المصيبة إنها قالت إن فيلم وراء الشمس ما ظهرش غير بعد ثورة يناير، وده هبل لأنه موجود طول عمره.

وأضافت ميرفت عبدالعظيم: بتقول إن عبد الناصر منعه وعبد الناصر بريء من منعه لسبب بسيط وهو إنه كان في تربته برضه، حيث الفيلم اتعمل بعد ما مات ب٨ سنين، وطبعا البريء ما اتمنعش أصلا، ده اتقص منه بواسطة سميرة أحمد وجوزها المنتج صفوت غطاس قبل ما الوزراء يشوفوه.

وكتبت ميرفت عبدالعظيم: فيه مصيبة قالتها في النص وهي إن عبد الناصر مات سنة ١٩٧٧ يعني بعد حرب أكتوبر بـ ٤ سنين.

واختتمت منشورها علي الفيس بوك: تخيلوا واحدة زي دي في حلقة حاطة صورة الاديب العالمي نجيب محفوظ وكاتبة تحته طه حسين تبقى مؤثرة ومصدر للتاريخ والناس تصدقها . وعندها متابعين بالملايين وبتكسب من الكذب دا.