يسرا تكشف عن أسباب عدم رغبتها فكرة الأمومة وعدم الإنجاب

حرصت الفنانة يسرا، على توجيه رسالة إلى السيدات التي لم تنجب حتى الأن، وكشف عن أسباب عدم رغبتها في فكرة الأمومة.

نرشح لك: بعد طرحه بـ48 ساعة.. فيلم "تسليم أهالي" يُتصدر قائمة الأعلى مشاهدة في مصر

وقالت يسرا، في تصريحات تليفزيونية: "أوعوا تزعلوا من قدر ربنا مديهولكم.. قدر أنتم مش حاسين بيه، مع الوقت تخطيت الشعور وبالتجارب شفت ناس فقدوا أولادهم ومش قادرين يعيشوا، وشفت ناس أولادهم عاصيين ليهم".

وأضافت: "معرفش إيه ممكن كان يحصلي.. ممكن مكنش استحمل أن يكون عندي طفل ويموت، وبالنسبة لي خالد هو حياتي، وابني وجوزي ربنا عوضني، وبقول للي ما خلفش ميزعلش، واللي خلف يحمد ربنا".

وتابعت: "في التلاتينات كان عندي هاجس أني لازم أبقى أم، لأني معطاءة بطبعي، وكنت هموت وأخلف، وبعدين حصل أني فقدت طفلين في جوازتي الأولى.. لما اتجوزت خالد قولتله نخلف.. ملقتوش مبسوط من الموضوع ده، وقال نشوف".

وواصلت: "قولت مش عاوز يخلف مني، وسألته إن كان قلقان أني مكونش أم كويسة؛ قالي أنتي الست الوحيدة اللي أتمنى أخلف منها، لكن الزمن اللي هنخلف فيه على بال ما يكبر بعد 20 سنة هتبقى حياة مختلفة.. مش هيشوفوا اللي إحنا شفناه.. هتبقى حياتهم أسرع وسطحية، وأنا مش عاوز أشوف عيالي كده، وأنا بعد فترة اقتنعت وبقول الحمد لله أني مخلفتش".